“Dërgojini fjalë aty ky i dhemb më shumë, te familja”/ Alibej zbulon kërcënimet dhe sharjet ndaj Altin Dumanit

4 Korrik 2025, 12:38, Kronika CNA

“Dërgojini fjalë aty ky i dhemb më shumë, te

Bashkëpunëtori i drejtësisë, Erion Alibej, vijon me dëshmitë e tij në Gjykatën e Posaçme për dosjen "Plumbi i artë", ku deri më tani ka hedhur dritë mbi shumë krime të kryera prej tij në bashkëpunim me të tjerë eksponentë të krimit.

Në seancën e sotme Alibej ka zbuluar për disa biseda të bëra mes Redjan Rrajës dhe Viktor Ymerit në burgun '302', dhe se si donin ta kërcënonin atë për faktin se po rrëfente gjithçka për ngjarjet kriminale në SPAK, pasi u bë bashkëpunëtor i drejtësisë.

Alibej thotë se kishte dëgjuar bisedën mes këtyre të dyve, ku flisnin për të.

Alibej është shprehur se në njërën nga bisedat flitej për kreun e SPAK-ut, Altin Dumanin, duke zbuluar kështu dhe si planifikonin ta kërcënonin dhe sharjet drejt tij.

Alibej: Kodet e mia në aplikacionet e enkriptuara kanë qenë “Noku” në Enchochat, ndërsa në Sky “Lizz” dhe “Kumi”. Me Plaurentin besoj që komunikoja me të gjitha këto kodet. Shoku i ngushtë i Arbenit ishte shumë mik me “Ilirin e cigareve”. Kam pasur dhe marrëdhënie drejtëpërdrejt me Ilirin. Më erdhën informacione për një person në Durrës, njëri që njihej si “Poja”. Nuk e mbaj mend mirë komunikimin e fundit me Plarentin, por ka qenë pak ditë para se të arrestohesha, 18 shtator 2020 u arrestova.

Pas arrestimit tim, nuk kam pasur komunikim për Plaurentin. As me Redjan Rrajën, por në burgun '302' ku unë kam qenë i akomoduar, kanë qenë dhomat e regjimit të mirë. Ngjitur me dhomën time, ka ardhur Viktor Ymeri, mbi dhomën e tij ka qenë Redjan Rraja.

Redjani doli nga dritarja dhe bëri një bisedë me Viktorin. Më kujtohet një bisedë, sepse është institucion i vjetër dhe dëgjohet gjithçka. Viktori e pyet si po ju shkon procesi, Redjani i thotë “po interesohet shoku”. Unë e kuptova direkt që iu referua Plarentit.

“Është njeri që po bën namin në SPAK, iu referonte prokurorit Altin Dumani, po flet gjithçka”. Dërgojini fjalë aty ku i dhemb më shume i tha, te familja. Dhe përmendi “Krymin”, e kishte fjalën për mua. Redjani me Viktorin më shanin edhe mua edhe prokurorin.

Plarent Dervishaj ndërhyn nga kafazi: Të erdhi keq për prokurorin ty, apo se t'u përmend familja?

Alibej: Ilir Sharri është ai i cigareve, m'u kujtua mbiemri. Kur i kanë bërë atentatin Plarentit, ai kishte një pamje filmike, një BMW seria 5 që është djegur. Ia kam kërkuar Plarentit pamjet, se mos ndoshta dalloja personat që njihja aty. Pamjet m'i solli me një Flash përmes Ilirit.

Nuk e ndihmova dot me informacion që mund t'i vlente atij, sepse nuk njoha askënd. Arben Muça është shok i ngushtë i Talo Çelës. Unë Plarentit i kam dërguar një foto të vëllait të tij, pas ekzekutimit të vëllezërve Haxhia.

Foton e nxora nga sistemi TIMS. Nga informacionet që kisha Talo Çela kishte fut vëllain e Ben Muçës për të më ekzekutuar mua. Punonjësi i Elbasanit 5-6 minuta e vononte informacionin nëse ishte në punë./ CNA