web counter
LEXO PA REKLAMA!

SHKARKO APP

App Store
Google Play

E fundit!

x

Babai po mbyste foshnjën e tij në mes të rrugës në Athinë/ Ndërhyjnë shqiptarët dhe e shpëtojnë

29 Qershor 2022, 22:37, Kosova & Bota CNA
Babai po mbyste foshnjën e tij në mes të rrugës në
Foto ilustruese

Disa emigrantë shqiptarë kanë shpëtuar nga vdekja një foshnjë të vogël në Athinë.

Çdo gjë nisi mëngjesin e së mërkurës, në momentin që babai i fëmijës 7 muajsh, tentoi ta mbysë mbas një sherri me bashkëshorten e tij.

Kalimtarët janë tronditur nga apeli për ndihmë i një gruaje, e cila u kërkonte kalimtarëve ta ndihmojnë për të shpëtuar foshnjën e saj.

Për fat të mirë, në zonë ndodheshin disa shtetas shqiptarë, të cilët ndërhynë duke neutralizuar autorin dhe morën fëmijën.

Pak minuta më vonë në zonë mbërriti policia, e cila arrestoi autorin. Familja ishte nga Rumania, por ende nuk dihet shkaku i konfrontimit të tyre.

Dyshohet se autori kërcënonte bashkëshorten për ta detyruar të lypë dhe të vjedhë në rrugët e Athinës.

Me urdhër të prokurorisë së Athinës gruaja dhe fëmijët u morën në mbrojtje. Foshnja u dërgua në spital ku u konstatua shenja asfiksie dhe plagë në gojë prej tentativës për ta mbytur.

Ata do të dërgohen në një strukturë akomoduese për viktimat e dhunës brenda familjes./E.T-CNA.al





Lajmet e fundit nga