web counter
LEXO PA REKLAMA!

SHKARKO APP

Sulm në Ferizaj/ 59-veçari qëllon me thikë 4 kalimtarë, dy prej tyre minorene

11 Nëntor 2024, 19:00, Kronika CNA

Sulm në Ferizaj/ 59-veçari qëllon me thikë 4

Një ngjarje e rëndë është regjistruar pasditen e sotme në Ferizaj të Kosovës.

59-veçari me iniciale E. S. ka qëlluar me thikë katër kalimtarë të rastit në rrugët “Enver Topalli”, “Halim Spahija” dhe “Ejup Statovci”.

Dy kalimtare kanë qenë vajza të moshave nën 18 vjeçe dhe dy të tjerët djem të moshave 29-32 vjeç.

Dy prej të plagosurve janë janë dërguar për mjekim në QKUK, në Prishtinë, ndërsa dy të tjerë po marrin shërbim në Ferizaj.

Autori është arrestuar dhe është shoqëruar në stacionin e policisë nën masa të rrepta sigurie.

“Ekipe të shumta të policisë, përfshirë, edhe Njësinë e Reagimit të Shpejtë kanë nisur kërkimin e personit të dyshuar. Pas një pune intenzive të kërkimit, rreth orës 16:40 kanë arritur që në rrugën “Riza Matoshi” në afërsi të qendrës tregtare “Plus Market” të arrestojnë të dyshuarin E.S ( M/K) i moshës rreth 59 vjeçar, i cili nën masa të sigurisë është shoqëruar në stacionin e policisë në Ferizaj. Hetuesit dhe krimteknikët rajonal janë duke i ekzaminuar vendet e incidentit, ndërsa është gjetur edhe një mjet i mprehtë (thikë) me të cilën dyshohet se është përdorur në rastet e sipër përmendura”, tha zëdhënësi i policisë për rajonin e Ferizajt, Kanun Veseli./ CNA





Lajmet e fundit nga