web counter
LEXO PA REKLAMA!

SHKARKO APP

App Store
Google Play

E fundit!

x

Vihet në prangat e policisë britanike aktori shqiptar/ Autoritetet belge kërkojnë ekstradimin e tij

30 Korrik 2023, 18:19, Kosova & Bota CNA

Vihet në prangat e policisë britanike aktori shqiptar/ Autoritetet

Sebastjan Kallabaku, një aktor shqiptar që performon më së shumti në filma aksion, i cili kërkohet nga Belgjika dhe rrezikon rreth 20 vite burg,  pasi akuzohet nga shteti belg si pjesë e një rrjeti të kontrabandës me njerëz si dhe për drejtimin e një varke me 30 shqiptarë nga bregdeti holandez drejt Britanisë së Madhe në vitin 2019, ndodhet akoma në Britaninë e Madhe.

 Autoritet belge kërkuan ekstradimin e tij, një marrëveshje që u nënshkrua nga sekretarja e atëhershme e Brendshme, Priti Patel por që u apelua nga Kallabaku.

Sipas Sunday Express, 37-vjeçari bëri një kërkesë për lirim me kusht në Gjykatën e Magjistraturës së Ëestminsterit më 19 korrik, për shkak të ndalimit për aq kohë sa zgjat beteja ligjore. Mirëpo, kërkesa për të lënë paraburgimin u refuzua dhe çështja u shty deri në përfundimin e ankesës.

Aktori shqiptar është shprehur para gjykatës se ai u largua nga Shqipëria në vitin 2017 për “çështje politike” dhe shkoi në Belgjikë por nuk kërkoi azil derisa mbërriti në Mbretërinë e Bashkuar.

Kallabaku ka mohuar akuzat dhe thotë se ka krijuar një jetë familjare në Britaninë e Madhe.

Akoma nuk dihet se si do të procedohet në lidhje me ankesën e tij kundër ekstradimit apo kërkesës për azil.

Sipas ligjit të ekstradimit të vitit 2003, pasi të ketë mbaruar procesi i apelimit, një person duhet të largohet brenda 10 ditëve. Por nga 17 korriku, janë miratuar edhe 10 zgjatje të tjera afatesh./CNA.al





Lajmet e fundit nga