web counter
LEXO PA REKLAMA!

SHKARKO APP

App Store
Google Play

Trump takohet me presidentin e Brazilit/ Diskutime mes dy liderëve pas tarifave për mallrat

26 Tetor 2025, 17:07, Kosova & Bota CNA

Trump takohet me presidentin e Brazilit/ Diskutime mes dy liderëve pas

Presidenti i Shteteve të Bashkuara të Amerikës, Donald Trump u takua sot me presidentin e Brazilit, Luiz Inacio Lula da Silva.

Takimi u zhvillua në punimet e Samitit të Shoqatës së Kombeve të Azisë Juglindore (ASEAN) në Kuala Lumpur të Malajzisë,  duke rritur shpresën për përmirësimin e marrëdhënieve pas goditjes së tarifave amerikane.

Lula tha se takimi i së dielës me Trump ishte i shkëlqyer dhe shtoi se ekipet negociuese të vendeve të tyre do të fillojnë punën menjëherë për të trajtuar tarifat dhe çështje të tjera.

“Ne ramë dakord që ekipet tona do të takohen menjëherë për të çuar përpara kërkimin e zgjidhjeve për tarifat dhe sanksionet kundër autoriteteve braziliane",-tha Lula në një mesazh në 'X' pas takimit.

Trump e kishte lidhur lëvizjen e tarifave të korrikut, e cila solli tarifat për shumicën e mallrave braziliane që hyjnë në SHBA në 50 përqind nga 10 përqind, me atë që ai e quajti një "gjueti shtrigash" kundër Bolsonaros, udhëheqësit të ekstremit të djathtë i cili është dënuar me 27 vjet burg për përpjekje për grusht shteti pas humbjes së zgjedhjeve presidenciale të vitit 2022.

Megjithatë, përpara takimit të së dielës, Trump tha se mund të arrinte disa marrëveshje me Lulën dhe priste që të dy vendet të gëzonin lidhje të forta pavarësisht shqetësimeve të tij për fatin e Bolsonaros./CNA





Lajmet e fundit nga