web counter
LEXO PA REKLAMA!

SHKARKO APP

App Store
Google Play

Grabitja nxori në pah mangësitë e sigurisë/ Luvri zhvendos disa nga xhevahiret më të çmuara në Bankën e Francës

25 Tetor 2025, 15:10, Kosova & Bota CNA

Grabitja nxori në pah mangësitë e sigurisë/ Luvri zhvendos

Luvri ka transferuar disa nga xhevahiret e tij më të çmuara në Bankën e Francës. Zhvendosja vjen pas grabitjes spektakolare që ndodhi javën e kaluar dhe nxori në pah dobësinë e sigurisë së muzeut të famshëm.

Transferimi i disa sendeve të çmuara nga galeria Apollo e muzeut, ku ndodhen xhevahiret e kurorës franceze, u bë të premten nën shoqërimin e policisë sekrete, raportoi radiostacioni francez RTL.

Banka e Francës, e cila ruan rezervat e arit të vendit në një kasafortë masive 27 metra nën tokë, është vetëm 500 metra larg Luvrit, në bregun e djathtë të lumit Sena.

Hajdutët vodhën tetë vepra të çmuara me vlerë rreth 102 milionë dollarë nga koleksioni i Luvrit më 19 tetor, duke nxjerrë në pah mangësitë e sigurisë ndërsa hynë në muzeun më të vizituar në botë duke përdorur një vinç për të hyrë në katin e sipërm gjatë orarit të hapjes së muzeut.

Pasi grabitën bizhuteritë, hajdutët u larguan me motoçikleta, ndërsa hetimet për identifikimin dhe kapjen e tyre vijojnë. Lajmi për grabitjen bëri jehonë në të gjithë botën, duke shkaktuar reflektim në Francë për atë që disa e konsideruan si një poshtërim kombëtar./CNA





Lajmet e fundit nga