web counter
LEXO PA REKLAMA!

SHKARKO APP

App Store
Google Play

Alarmi "SOS" në brigjet greke zbulon sasi të mëdha droge/ Arrestohet shqiptari, u gjet brenda anijes gati të fundosur

24 Tetor 2025, 19:26, Kosova & Bota CNA

Alarmi "SOS" në brigjet greke zbulon sasi të mëdha

Një anije gjysmë e fundosur është gjetur nga Autoritetet Portale të Igumenicës dhe Korfuzit në zonën detare të ishullit Prasoudi, pas një alarmi "SOS" të dhënë.

Në bordin e anijes ishte një 50-vjeçar shqiptar me iniciale E.M., i cili u shpëtua dhe u transportua drejt Portit të Igumenicës e më pas drejt Spitalit të Filatit për ndihmë mjekësore. Ndërkohë, bëhet me dije se ndaj tij është ngritur një padi për shkaktim të mbytjes së anijes dhe hyrje të paligjshme në vend.

Autoritetet janë kthyer sërish në vendin ku u gjet anija dhe gjatë operacionit për tërheqjen e mjetit lundrues, ata u përballën me një zbulim të papritur, pasi brenda mjetit lundrues kishte një sasi të madhe lënde narkotike të fshehur.

Droga u sekuestrua dhe po transportohet nga anijet e autoritetit portual drejt Portit të Igumenicës, ndërsa Autoriteti Portual i Igumenicës po kryen një hetim paraprak për të zbardhur ngjarjen dhe rrugën e ngarkesës, e cila dyshohet se ka qenë nisur nga Shqipëria për në territorin grek. /CNA





Lajmet e fundit nga