Operacioni, autoritetet britanike sekuestrojnë mijëra injeksione pa licencë për humbje peshe

24 Tetor 2025, 17:46, Kosova & Bota CNA

Operacioni, autoritetet britanike sekuestrojnë mijëra injeksione pa

Autoritetet në Mbretërinë e Bashkuar kanë zhvilluar një operacion të madh kundër një rrjeti që trafikonte drogë, që prodhonte dhe shiste injeksione pa licencë për humbje peshe.

Ky ishte një nga operacionet më të mëdha të këtij lloji.

Gjatë një bastisjeje dy-ditore në një depo në qytetin anglez të Northamptonit, policia sekuestroi më shumë se 2,000 injeksione pa licencë retatrutide dhe tirzepatide (Mounjaro) që ishin gati për t’u shitur, si dhe dhjetëra mijëra stilolapsa bosh për humbje peshe dhe përbërës kimikë të papërpunuar.

Furnizimet vlerësoheshin në më shumë se 250,000 £ (287,000 €), sipas rregullatorit të barnave të Mbretërisë së Bashkuar, Agjencisë Rregullatore të Barnave dhe Produkteve të Kujdesit Shëndetësor (MHRA), e cila mbikëqyri operacionin.

Policia gjithashtu konfiskoi rreth 20,000 £ (23,000 €) cash që dyshohet se janë të lidhura me trafikimin e këtyre drogave të palicencuara dhe "potencialisht vdekjeprurëse", tha agjencia.

Operacioni goditi fabrikën e parë ilegale të injeksioneve për humbje peshe e zbuluar në Mbretërinë e Bashkuar.

Retatrutidi bën pjesë në një klasë ilaçesh të njohura si agonistë të receptorit të peptidit-1 të ngjashëm me glukagonin (GLP-1), të cilët i ndihmojnë njerëzit të humbin peshë duke imituar një hormon që i bën të ndihen të ngopur për më gjatë. Grupi përfshin gjithashtu ilaçe të njohura si Ozempic, Ëegovy dhe Saxenda.

Megjithatë, retatrutidi nuk është miratuar në Mbretërinë e Bashkuar sepse është ende duke u testuar në prova klinike. Kjo do të thotë që çdo furnizim me retatrutidë që gjendet në vend "ka të ngjarë të jetë i paligjshëm dhe potencialisht i rrezikshëm për shëndetin e njerëzve", tha MHRA.

Pas këtij incidenti, sekretari i shëndetësisë i Mbretërisë së Bashkuar, Ëes Streeting, u bëri thirrje njerëzve të mos i drejtohen tregut të zi për të blerë injeksione për humbje peshe.

“Këto produkte të parregulluara, të prodhuara pa marrë parasysh sigurinë apo cilësinë, përbëjnë një rrezik të madh për klientët e pavetëdijshëm”, tha Streeting./ CNA