web counter
LEXO PA REKLAMA!

SHKARKO APP

App Store
Google Play

Shpallen rezultatet përfundimtare të zgjedhjeve për kryetarë të 35 komunave në Kosovë

25 Tetor 2025, 20:50, Kosova & Bota CNA

Shpallen rezultatet përfundimtare të zgjedhjeve për kryetarë

Komisioni Qendror i Zgjedhjeve në Kosovë shpalli sot rezultatet përfundimtare të zgjedhjeve për kryetarë në 35 komuna të vendit. 

Njoftimi u bë në mbledhjen e 71-të, të kryesuar nga kreu i KQZ-së në Kosovë, Kreshnik Radoniqi.

Siç bëhet me dije përmes një komunikatë për shtyp, janë shpallur rezultatet përfundimtare për kryetarë të 35 komunave:  Deçan, Gjakovë, Gllogoc, Gjilan, Dragash, Istog, Kaçanik, Klinë, Fushë Kosovë, Kamenicë, Mitrovicë e Jugut, Leposaviq, Lipjan, Novobërdë, Obiliq, Rahovec, Pejë, Podujevë, Prizren, Skënderaj, Shtime, Shtërpcë, Suharekë, Ferizaj, Viti, Vushtrri, Zubin Potok, Zveçan, Malishevë, Hani i Elezit, Graçanicë, Ranillug, Partesh, Kllokot dhe Mitrovicë e Veriut.

Ndërkaq, sipas informacioneve nga PZAP, në këtë institucion ende nuk është përbyllur vendimmarrja për procesin e zgjedhjeve për kryetarë komunash të komunave Prishtinë, Junik dhe Mamushë.

Pas leximit të rezultateve të zgjedhjeve për kryetarë të 35 Komunave, kryesuesi Radoniqi njoftoi se subjektet politike të certifikuara dhe kandidatët se nga tani mund të paraqesin ankesat e tyre ndaj këtyre rezultateve në afat brenda 48 orësh në Panelin Zgjedhor për Ankesa dhe Parashtresa./CNA





Lajmet e fundit nga