E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Trump, pro legalizimit të marijuanës në Florida/ Guvernatori republikan kundërshton idenë

1 Shtator 2024, 22:11, Kosova & Bota CNA

Trump, pro legalizimit të marijuanës në Florida/ Guvernatori

Kandidati republikan për President në SHBA, Donald Trump

Kandidati republikan për President në SHBA, Donald Trump, ka paralajmëruar së është pro miratimit të legalizimit të marijuanës për përdorim personal në Florida.

Qëndrimi i tij vë atë kundërshtim me figura të tjera të larta republikane, duke përfshirë guvernatorin e Floridës, Ron DeSantis, i cili ka argumentuar se legalizimi i përdorimit të kanabisit do të ishte i keq për cilësinë e jetës.

“Dikush nuk duhet të jetë kriminel në Florida, kur kjo është e ligjshme në shumë shtete të tjera. Ne nuk kemi nevojë të shkatërrojmë jetë dhe të shpërdorojmë para për të arrestuar të rritur”, është shprehur Trump.

Ky propozim është vetëm një nga pikat për të cilat do të votojnë banorët e Floridës në nëntor, në të njëjtën kohë kur SHBA zgjedh Presidentin e ri. Trump kandidon kundër nënpresidentes në detyrë dhe kandidates së Partisë Demokratike, Kamala Harris.

Në lidhje me legalizimin e marijuanës për përdorim personal, Trump tha se do të duhej të kishte rregulla për të “ndaluar përdorimin e saj në hapësira publike, ndryshe nga sa ndodh në qytete të drejtuara nga demokratët”.

DeSantis ka pohuar se bërja e kanabisit të ligjshëm për përdorim rekreativ “do ta kthente Floridan në San Francisko ose Çikago”, të dy qytete në shtetet e drejtuara nga demokratët.

Sipas BBC-së, marijuana medicinale u legalizua në Florida në vitin 2016. Kanabisi për përdorim personal dhe mjekësor është i ligjshëm në 24 shtete të SHBA-së, 14 shtete të tjera kanë legalizuar marijuanën mjekësore.

Marijuana u legalizua në Illinois 2020 dhe midis janarit dhe korrikut të këtij viti, shitjet e kanabisit arritën më shumë se 1 miliard dollarë.

Kultivuesit dhe shitësit e legalizuar duhet të marrin leje dhe të paguajnë taksa, të cilat mund të jenë të kushtueshme dhe rrezikojnë ta bëjnë kanabisin e tyre më të shtrenjtë./ CNA