web counter
LEXO PA REKLAMA!

SHKARKO APP

App Store
Google Play

Tragjedi në Turqi/ Shpërthimi në një klub nate në Stamboll shkakton 29 viktima

2 Prill 2024, 16:12, Kosova & Bota CNA
Tragjedi në Turqi/ Shpërthimi në një klub nate në
Foto nga vendi i ngjarjes

Një shpërthim i frikshëm ndodhi në katin e parë të një pallati 16-katësh në Sisli të Stambollit, duke vrarë 29 persona dhe duke lënë 1 të plagosur.

Në vendngjarje mbërritën menjëherë forcat e policisë, zjarrfikëset dhe ekipet mjekësore.

Sipas njoftimeve, një shpërthim ka ndodhur në skenën e klubit të natës të quajtur Masquerade, që ndodhet në katin përdhes të një pallati 16-katësh, i cili ishte i mbyllur për Ramazan teksa po restaurohej.

Ndërsa zjarri shpërtheu, klubi dhe ndërtesa u mbushën me tym. Në atë moment, ata që ishin në klub dhe në ndërtesë mbetën të bllokuar.

Kryetari i Bashkisë së Kostandinopojës, Ekrem Imamoglu, ka qenë në vendngjarje dhe ka konfirmuar numrin e viktimave. Ai tha se nuk është paraqitur asnjë kërkesë për leje ndërtimi. 

“Është dy kate më poshtë, kështu që nuk duket. Nuk ka pasur asnjë ankesë. Ka pasur një ndërhyrje të paligjshme”, theksoi ai.

Presidenti turk, Rexhep Tajip Erdogan kontaktoi ministrin e Brendshëm, Ali Gerlikaya dhe u informua për incidentin. Prefekti i Stambollit deklaroi se klubi i natës kishte licencë për të funksionuar që në vitin 1987 dhe e rinovoi atë në vitin 2018.

Njëkohësisht, siç njoftoi ministri turk i Drejtësisë, janë caktuar 3 prokurorë për të hetuar shkaqet që çuan në tragjedi. Ndërsa për 5 persona janë lëshuar urdhër-arresti./ CNA





Lajmet e fundit nga