web counter
LEXO PA REKLAMA!

SHKARKO APP

App Store
Google Play

Shtetasi amerikan i infektuar me Ebola dërgohet për trajtim ne Gjermani

13 Korrik 2026, 15:08, Kosova & Bota CNA

Shtetasi amerikan i infektuar me Ebola dërgohet për trajtim ne

Një shtetas amerikan i infektuar me virusin Ebola është dërguar për trajtim në Gjermani dhe është shtruar në orët e para të së hënës në Spitalin Universitar të Frankfurtit.

Pacienti punonte për një organizatë humanitare në Republikën Demokratike të Kongos, ku vendi po përballet me një shpërthim të rëndë të virusit Ebola.

Sipas spitalit, ai mbërriti në njësinë speciale të izolimit rreth orës 03:00 me orën lokale, pasi ishte infektuar me variantin Bundibugyo të virusit gjatë qëndrimit në Kongo. Shefi i njësisë së izolimit, Timo Wolf, bëri të ditur se gjendja e pacientit është aktualisht e qëndrueshme.

Spitali theksoi se pacienti po trajtohet në izolim të plotë, në një repart të ndarë si nga ana strukturore ashtu edhe organizative nga pjesa tjetër e institucionit, duke siguruar se nuk ekziston asnjë rrezik për publikun apo pacientët e tjerë.

Ky është qytetari i dytë amerikan që merr trajtim në Gjermani pasi është infektuar me virusin Ebola. Më herët, një mjek amerikan u trajtua në spitalin Charité në Berlin dhe u largua i shëruar pas dy javësh.

Shpërthimi i fundit i Ebolës në Republikën Demokratike të Kongos konsiderohet veçanërisht i vështirë për t'u frenuar, pasi për variantin Bundibugyo nuk ekziston ende një vaksinë apo trajtim specifik. Deri të dielën, autoritetet shëndetësore në vend kishin konfirmuar 1.926 raste laboratorike të Ebolës dhe 702 viktima. /CNA





Lajmet e fundit nga