web counter
LEXO PA REKLAMA!

SHKARKO APP

App Store
Google Play

SHBA kryen sulme në shkallë të gjerë kundër ISIS-it nëpër Siri

11 Janar 2026, 09:31, Kosova & Bota CNA

SHBA kryen sulme në shkallë të gjerë kundër ISIS-it

SHBA-të kanë kryer atë që e quajtën "sulme në shkallë të gjerë" kundër ISIS-it në Siri, njoftoi Komanda Qendrore e SHBA-së.

Sulmet ishin pjesë e Operacionit Haëkeye Strike, të cilin Pentagoni tha se u urdhërua nga Presidenti Donald Trump më 19 dhjetor në përgjigje të një prite të ISIS-it pranë Palmyra-s më 13 dhjetor. Ky sulm vrau dy ushtarë amerikanë dhe një përkthyes civil amerikan.

Ushtria në dhjetor nisi sulme kundër infrastrukturës dhe armëve të grupit të Shtetit Islamik.

Kapiten Tim Hawkins, i tha NBC News se më shumë se 35 objektiva u goditën në operacionin e së shtunës. U qëlluan më shumë se 90 municione precize dhe u përfshinë më shumë se 20 avionë.

SHBA kryen sulme në shkallë të gjerë kundër ISIS-it
Harta e sulmeve

Sekretari i Mbrojtjes Pete Hegseth postoi në lidhje me sulmet në platformën ‘X’, duke thënë se SHBA-të nuk do të dorëzohen.

Ushtria tha se sulmet kishin në shënjestër ISIS-in si pjesë e angazhimit të vazhdueshëm për të çrrënjosur terrorizmin islamik kundër luftëtarëve amerikanë, për të parandaluar sulme të ardhshme dhe për të mbrojtur forcat amerikane dhe partnere në rajon./CNA





Lajmet e fundit nga