web counter
LEXO PA REKLAMA!

SHKARKO APP

App Store
Google Play

E fundit!

x

Serbia kundërshton DASH për Kosovën/ “Jemi të shokuar me kërkesat e SHBA-së

17 Qershor 2023, 13:55, Kosova & Bota CNA

Serbia kundërshton DASH për Kosovën/ “Jemi të shokuar

Drejtori i Zyrës për Kosovën në qeverinë serbe, Petar Petkoviç, ka nënvlerësuar dhe hedhur poshtë kërkesat e ndërkombëtarëve për lirimin e menjëhershëm të tre policëve kosovarë të rrëmbyer nga forcat serbe.

Petar Petkoviç tha se do të jenë serbët e veriut të Kosovës ato që do të vendosin se si do të veprohet në ditët në vijim.

“Jemi të shokuar me kërkesat e SHBA-së dhe Britanisë, të cilat kërkojnë nga Serbia për lirimin e policëve të arrestuar dhe askush nuk e përmend faktin se është e nevojshme lirimi i serbëve të pafajshëm. E shihni se çfarë hipokrizie. Nuk vendosim ne se kur do të lirohen policët, ne jemi shtet ligjor, këtë e vendos prokuroria dhe gjykata. Kjo nuk vendoset as nga ambasadat”, tha ai.

Ndërkohë, kujtojmë se DASH kërkoi dy ditë më parë lirimin pa kushte të tre pjesëtarëve të policisë së Kosovës të ndaluar nga forcat serbe.

Zëdhënësi i DASH, Mattheë Miller kërkoi që "të dyja palët (Kosova dhe Serbia) duhet të ndjekin planin prej tre pikash që ka paraqitur BE-ja"./ CNA.al





Lajmet e fundit nga