web counter
LEXO PA REKLAMA!

SHKARKO APP

App Store
Google Play

E fundit!

x

Protestuesit serbë sulmuan mediat/ Policia e Kosovës hedh dritë mbi incidentin në Leposaviç

17 Qershor 2023, 11:42, Kosova & Bota CNA

Protestuesit serbë sulmuan mediat/ Policia e Kosovës hedh dritë

Policia e Kosovës ka dhënë detaje për sulmin e djeshëm ndaj medias në Leposaviç.

Policia njofton se janë sulmuar nëntë gazetarë e kameramanë nga protestuesit serbë, teksa ishin duke kryer detyrën gjatë vizitës së ministrit të Administratës së Pushtetit Lokal, Elbert Krasniqi, në Komunën e Leposaviçit.

Përmes një njoftimi zyrtar, Policia e Kosovës shprehet se viktimat kanë pësuar lëndime trupore dhe kanë pranuar trajtim mjekësor në stacionin policor në Leposaviç.

“Njëri nga ta dyshohet të ketë lëndime të rënda (frakturë në dorë) është udhëzuar për trajtim të mëtutjeshëm”, njofton Policia.

Përveç sulmit, protesuesit serbë kanë kanë marrë me forcë edhe një telefon celular nga një gazetare dhe një kamerë të RTK-së.

“Rruga APJ, Leposaviç 16.06.2023 – 14:24. Nëntë persona (pesë meshkuj dhe katër femra) gazetarë e kameraman janë sulmuar fizikisht nga një grup i protestuesve derisa ishin duke kryer detyrën gjatë vizitës së një ministri të qeverisë në komunën e Leposaviçit. Viktimat kanë pësuar lëndime trupore dhe të njëjtit kanë pranuar trajtim nga ekipi mjekësor në stacionin policor në Leposaviç. Njëri nga viktimat dyshohet të ketë lëndime të rënda (frakturë në dorë) dhe i njëjti është udhëzuar për trajtim të mëtutjeshëm. Përveç sulmit të dyshuarit kanë marrë nga një gazetare një telefon celular dhe një kamerë të RTK-së. Rasti është iniciuar në konsultim me prokurorin dhe mbetet në hetime të mëtutjeshme”, thuhet raportimin e Policisë./ CNA.al





Lajmet e fundit nga