web counter
LEXO PA REKLAMA!

SHKARKO APP

App Store
Google Play

E fundit!

x

Raketat në Poloni/ Stoltenberg dhe Presidenti polak: Nuk ka asnjë tregues se sulmi ishte i qëllimshëm nga Rusia

16 Nëntor 2022, 14:36, Kosova & Bota CNA
Raketat në Poloni/ Stoltenberg dhe Presidenti polak: Nuk ka asnjë
Sekretari i Përgjithshëm i NATO-s, Jens Stoltenberg

Sekretari i Përgjithshëm i NATO-s, Jens Stoltenberg ka dhënë një konferencë për shtyp pas një sulmi raketor nga i cili mbetën të vrarë dy persona në Poloni.

Stoltenberg është shprehur se, “Nuk ka "asnjë tregues" për një sulm të qëllimshëm nga Rusia, ose se Rusia po përgatit një veprim ushtarak kundër NATO-s.

Shpërthimi ka shumë të ngjarë të jetë shkaktuar nga mbrojtja ajrore ukrainase, por hetimet janë në vazhdim.

Megjithatë, NATO-ja nuk e konsideron këtë faj të Ukrainës pasi ajo ka të drejtë të mbrohet. Në vend të kësaj, Rusia mban "përgjegjësinë përfundimtare" për sulmin në Poloni, për shkak të pushtimit të Ukrainës.

Polonia nuk ka kërkuar një takim me vendet e tjera të NATO-s sipas kushteve të nenit 4 të traktatit, të cilin vendet mund ta përdorin nëse mendojnë se siguria e tyre kërcënohet.

Toni i Stoltenberg gjatë gjithë konferencës ishte ai i qetësisë dhe de-përshkallëzimit, dhe ai përsëriti thirrjet që Rusia t'i japë fund pushtimit të saj.

Nga ana tjetër Presidenti polak Andrzej Duda tha se raketa që vrau dy persona në Poloninë lindore , syhohet se janë gjuajtur nga forcat ukrainase që mbroheshin nga një valë sulmesh raketore ruse dhe e ka cilësuar këtë si një aksident fatkeq./ CNA.al





Lajmet e fundit nga