web counter
LEXO PA REKLAMA!

SHKARKO APP

App Store
Google Play

Plani për negociatat e paqes/ Zelensky mbërrin në Turqi për takimin me presidentin Erdogan

15 Maj 2025, 14:35, Kosova & Bota CNA

Plani për negociatat e paqes/ Zelensky mbërrin në Turqi për

Presidenti ukrainas Volodymyr Zelensky mbërriti në Turqi përpara negociatave të mundshme për armëpushim me Rusinë, edhe pse Presidenti rus Vladimir Putin po i anashkalon bisedimet.

Sipas mediave turke, aeroplani i Zelensky-t bëri ulje në aeroportin e Ankarasë, ndërsa presidenti planifikon fillimisht të zhvillojë bisedime me Presidentin turk Rexhep Tajip Erdogan në kryeqytetin e Turqisë.

Duke folur me gazetarët në aeroport, Zelensky tha se delegacioni ukrainas është i nivelit më të lartë, përfshirë ministrin e Jashtëm Andrii Sybiha, përfaqësues të ushtrisë dhe Zyrës Presidenciale, dhe krerët e të gjitha agjencive të inteligjencës.

Një delegacion rus ka mbërritur gjithashtu për t'u takuar me përfaqësuesit ukrainas për bisedime paqeje në Stamboll, pa Putin-in. Kremlini ka përjashtuar udhëtimin e Putin-it në Turqi, duke zbuluar se negociatat do të drejtohen nga ndihmësi presidencial Vladimir Medinsky.

Presidenti i Ukrainës do të vendosë për hapat e tij të mëtejshëm në lidhje me bisedimet e paqes me Rusinë pas takimit me Erdogan-in, tha një burim pranë Zyrës Presidenciale për mediat ukrainase./CNA





Lajmet e fundit nga