web counter
LEXO PA REKLAMA!

SHKARKO APP

App Store
Google Play

E fundit!

x

Pjesë e misionit paqeruajtës/ Haxhiu autorizon dërgimin e FSK-së në Gazë

20 Prill 2026, 16:40, Kosova & Bota CNA

Pjesë e misionit paqeruajtës/ Haxhiu autorizon dërgimin e

Ushtruesja e detyrës së presidentit të Kosovës, Albulena Haxhiu ka autorizuar dërgimin e Forcës së Sigurisë së Kosovës në Gazë, si pjesë e Forcës Ndërkombëtare Stabilizuese.

Në një reagim në rrjetet sociale, Haxhiu shprehet se Kosova, nga një vend që dikur kishte nevojë për mbështetje, sot po jep kontribut në skenën ndërkombëtare. Ajo shton gjithashtu se ky vendim e forcon vendin e Kosovës në arenën ndërkombëtare.

“Pas miratimit nga Kuvendi i Republikës së Kosovës, sot autorizova dërgimin e Forcës së Sigurisë së Kosovës në operacion ndërkombëtar paqeruajtës, si pjesë e Forcës Ndërkombëtare Stabilizuese në Gaza. Ky vendim pasqyron një Kosovë që e kupton sigurinë si detyrim ndaj qytetarëve të saj dhe si përgjegjësi ndaj paqes dhe rendit ndërkombëtar. Nga një vend që dikur kishte nevojë për mbështetjen e të tjerëve, Kosova sot merr përgjegjësi dhe jep kontribut në skenën ndërkombëtare.

Forca e Sigurisë së Kosovës është një institucion i ndërtuar me profesionalizëm dhe standarde të larta, e gatshme të shërbejë krah partnerëve tanë strategjikë. Pjesëmarrja në misione të tilla dëshmon pjekurinë shtetërore të Republikës sonë dhe vendin që Kosova po e forcon çdo ditë në arenën ndërkombëtare”, thuhet në reagimin e Haxhiut.

Pjesë e misionit paqeruajtës/ Haxhiu autorizon dërgimin e

Më 30 mars, Qeveria miratoi propozimin e Ministrisë së Mbrojtjes për dërgimin e pjesëtarëve të FSK-së në Gazë. Ndërkohë më 17 prill Kuvendi miratoi kërkesën e qeverisë që FSK-ja të marrë pjesë në misionin paqeruajtës. /CNA





Lajmet e fundit nga