web counter
LEXO PA REKLAMA!

SHKARKO APP

App Store
Google Play

E fundit!

x

Parlamenti Evropian miraton Ligjin për Inteligjencën Artificiale

13 Mars 2024, 16:17, Kosova & Bota CNA

Parlamenti Evropian miraton Ligjin për Inteligjencën Artificiale

Parlamenti Evropian (PE) miratoi sot Ligjin për Inteligjencën Artificiale, i cili synon të mbrojë të drejtat themelore, demokracinë, sundimin e ligjit dhe qëndrueshmërinë mjedisore në fushat që lidhen me IA, duke inkurajuar inovacionin dhe duke vendosur Evropën si lider në këtë fushë.

Ligji i ri u mbështet nga 523 deputetë, ndërsa 46 ishin kundër dhe 49 abstenuan nga votimi, thuhet në faqen e internetit të Parlamentit Evropian.

Në bazë të rregullave të reja, janë të ndaluara disa aplikacione të AI që sipas ligjvënësve kërcënojnë të drejtat e qytetarëve dhe në këtë kategori përfshihen edhe sistemet që kryejnë kategorizim në bazë të të dhënave biometrike të njerëzve.

Agjencitë e zbatimit të ligjit do të jenë në gjendje të përdorin sistemet e identifikimit biometrik "në kohë reale" (RBI) vetëm në raste të jashtëzakonshme të përcaktuara shumë ngushtë, si kërkimi i një personi të zhdukur ose parandalimi i një sulmi terrorist.  

Përdorimi i të ashtuquajturave sisteme "RBI post-remote" konsiderohet si një situatë me rrezik të lartë që është e mundur vetëm me miratimin e gjykatës speciale. Aplikimet e bazuara në inteligjencën artificiale që mund të njohin emocionet do të ndalohen në vendin e punës dhe në shkolla.

Sistemet e inteligjencës artificiale me qëllim të përgjithshëm (GPAI) dhe modelet GPAI në të cilat ato bazohen duhet të plotësojnë disa kërkesa për transparencë, duke përfshirë përputhjen me ligjet e BE-së për të drejtat e autorit dhe publikimin e përmbledhjeve të hollësishme të përmbajtjes së përdorur për trajnim.

Ligji thotë se përmbajtja audio dhe video e krijuar me ndihmën e inteligjencës artificiale ("deepfakes") duhet të shënohet qartë./CNA 





Lajmet e fundit nga