web counter
LEXO PA REKLAMA!

SHKARKO APP

App Store
Google Play

E fundit!

x

Një vit nga sulmi në Banjskë/ Kurti e Osmani përkujtojnë Afrim Bunjakun

24 Shtator 2024, 10:13, Kosova & Bota CNA

Një vit nga sulmi në Banjskë/ Kurti e Osmani

Sot shënohet një vit nga sulmi terrorist serb në Banjskë të Zveçanit, ku mbeti i vrarë rreshteri i Policisë së Kosovës, Afrim Bunjaku.

Shumë personalitete të politikës në Kosovë kanë rikujtuar heroin Afrim Bunjaku, në njëvjetorin e rënies së tij.

Kryeministri Albin Kurti shkoi për vizitë në familjen e Bunjakut në fshatin Samadrexhë të Vushtrrisë, ku do të bëhen homazhe dhe përurimi i pllakës përkujtimore për të ndjerin.

Ndërkaq, edhe Presidentja e Kosovës, Vjosa Osmani ka postuar një shkrim për Afrim Bunjakun ku thotë se ai ra dëshmor, për të treguar edhe një herë, siç kemi dëshmuar ndër shekuj, se kjo tokë është atdheu ynë i përjetshëm.

“Sot një vit, Rreshteri Afrim Bunjaku ra dëshmor, për të treguar edhe një herë, siç kemi dëshmuar ndër shekuj, se kjo tokë është atdheu ynë i përjetshëm”.Se liria nuk ka çmim. Se Kosova është dhe do të mbetet e pandashme, e liria dhe kufijtë tanë të paprekshëm! Sot e përgjithmonë”,- shkruan Osmani.

Ditën e djeshme në mbledhjen e qeverisë së Kosovës vendosën që rrugën Ballaban-Banjskë, ta emërtojnë “Afrim Bunjaku”, emrin e heroit të Republikës së Kosovës.

Në lidhje me këtë ngjarje ka reaguar edhe ambasada gjermane në Prishtinë, e cila thotë se duhet të vendoset drejtësi për vrasjen e Bunjakut.

“Sakrifica e tij nuk do të harrohet, por fakti mbetet: Milan Radoçiç, autori i dyshuar i këtij krimi, pavarësisht se e ka pranuar përgjegjësinë, është ende i lirë në Serbi. Dështimi për të kërkuar llogari nga përgjegjësit, pavarësisht pranimeve të qarta të fajit, e minon paqen në rajon dhe çon një mesazh të rrezikshëm. Drejtësia duhet të vendoset. Nuk ka më shtyrje dhe justifikime”, shkroi ambasada gjermane në rrjetet sociale./CNA

Një vit nga sulmi në Banjskë/ Kurti e Osmani

 

 





Lajmet e fundit nga