web counter
LEXO PA REKLAMA!

SHKARKO APP

App Store
Google Play

E fundit!

x

Kancelari i Gjermanisë, Olaf Scholz: Nuk i japim Ukrainës raketa që të godasë Rusinë!

24 Shtator 2024, 09:11, Kosova & Bota CNA

Kancelari i Gjermanisë, Olaf Scholz: Nuk i japim Ukrainës raketa

Kancelari i Gjermanisë, Olaf Scholz, nuk pranon të plotësojë kërkesën këmbëngulëse të Kievit në lidhje me përdorimin e armëve gjermane me rreze të gjatë veprimi kundër Rusisë.

Olaf Scholz, gjatë takimit të Asamblesë së OKB-së në New York tha se qeveria ka marrë disa vendime në lidhje me mbështetjen ushtarake për Ukrainën dhe një nga këto është moslejimi i hedhjes së raketave gjermane brenda territorit të Rusisë.

“Kjo nuk është në përputhje me qëndrimin tim personal... Ne nuk do ta bëjmë këtë dhe kemi arsye të mirë për këtë”.

Arma me rreze më të gjatë veprimi që Gjermania i ka dhuruar deri tani Kievit është raketahedhësi MARS II, i cili mund ta godasë shënjestrën 84 kilometra larg. Berlini i ka dhënë leje Kievit ta përdorë këtë raketahedhës vetëm në hapësirë të kufizuar brenda tokës ruse, në afërsi të qytetit kufitar ukrainas, Harkiv.

Scholz nuk ka pranuar ta furnizojë Kievin me armë precize me rreze të gjatë veprimi, pavarësisht vendimeve të aleatëve të Gjermanisë në NATO.

“Gjermania nuk dëshiron t’i japë Ukrainës raketa lundruese Taurus, e cila mund të godasë rreth 500 kilometra larg, kjo do ta rriste dukshëm rrezikun për përshkallëzimin e luftës”.

SHBA-ja, Britania e Madhe dhe Franca e kanë furnizuar Kievin me raketa lundruese të cilat mund ta godasin shënjestrën deri në 300 kilometra larg. Ato janë duke shqyrtuar vendimin se a ta lejojnë apo jo Kievin t’i përdorë këto raketa për sulme ndaj shënjestrave thellë brenda Rusisë.

Nga ana tjetër Presidenti i Rusisë, Vladimir Putin, ka thënë se përdorimi i armëve të tilla nga Kievi do ta zhyste NATO-n në konflikt të drejtpërdrejtë me Rusinë./CNA





Lajmet e fundit nga