web counter
LEXO PA REKLAMA!

SHKARKO APP

App Store
Google Play

Ndërprerja e energjisë në Spanjë e Portugali/ Qeveritë nisin mbledhje emergjente me kabinetin

28 Prill 2025, 15:44, Kosova & Bota CNA

Ndërprerja e energjisë në Spanjë e Portugali/ Qeveritë

Një ndërprerje e energjisë elektrike goditi sot Spanjën dhe Portugalinë, duke lënë miliona njerëz pa energji elektrike e duke shkaktuar ndërprerje të rrjetit të metrosë, linjave telefonike, semaforëve dhe bankomateve.

Kabineti portugez thirri një takim urgjent në rezidencën e kryeministrit. Kryeministri spanjoll Pedro Sánchez vizitoi Red Eléctrica, korporatën që operon rrjetin kombëtar të energjisë elektrike, për të ndjekur përpjekjet për rikthimin e energjisë në rrjet.

Vendet kanë një popullsi të kombinuar prej mbi 50 milionë banorësh. Nuk ishte menjëherë e qartë se sa prej tyre u prekën. Është e rrallë të ketë një ndërprerje kaq të përhapur në të gjithë Gadishullin Iberik.

Qytetarëve u është kërkuar të mos telefonojnë numrin 112 përveçse në një emergjencë të vërtetë për të shmangur mbingarkesën e linjave.

Komisioni Europian lëshoi një deklaratë të hënën duke thënë se ishte në kontakt me autoritetet kombëtare të Spanjës dhe Portugalisë, si dhe rrjetin e operatorëve të sistemit europian të transmetimit të energjisë elektrike ENTSO-E për të kuptuar shkakun themelor dhe ndikimin e situatës.

"Sipas legjislacionit në fuqi të BE-së, ekzistojnë protokolle në vend për të rivendosur funksionimin e sistemit",-thuhet në deklaratë.

Departamenti i trafikut i Spanjës po u kërkon qytetarëve të shmangin përdorimin e makinave të tyre sa më shumë që të jetë e mundur për shkak të ndërprerjes së energjisë elektrike, e cila ka prekur semaforët dhe sinjalistikën elektrike rrugore.

Policia portugeze vendosi më shumë oficerë në detyrë për të drejtuar trafikun dhe për t'u përballur me kërkesat në rritje për ndihmë, përfshirë ato nga njerëz të bllokuar në ashensorë. Spitalet e vendit dhe shërbimet e tjera të urgjencës kaluan në gjeneratorë./CNA





Lajmet e fundit nga