web counter
LEXO PA REKLAMA!

SHKARKO APP

App Store
Google Play

E fundit!

x

Konklava për të zgjedhur pasardhësin e Papa Françeskut do të nisë më 7 maj

28 Prill 2025, 13:06, Kosova & Bota CNA

Konklava për të zgjedhur pasardhësin e Papa Françeskut do

Kardinalët kanë zgjedhur 7 majin si datën për të filluar konklavën dhe për të zgjedhur një udhëheqës të ri për 1.4 miliardë katolikë në mbarë botën, tha një burim nga Vatikani për "CNN".

Papa Françesku, 88 vjeç, vdiq nga një goditje në tru dhe dështim në zemër të hënën e Pashkëve.

Ai u varros të shtunën në Bazilikën e Santa Maria Maggiore, pas një meshe funerali në shkallët e Bazilikës së Shën Pjetrit që mblodhi krerët e shtetit, mbretërit dhe qindra mijëra vajtues. 

Në meshë ishin të pranishëm delegacione nga e gjithë bota, me në krye presidentë si ai SHBA-së, Donald Trump, presidenti i Francës Emanuel Macron, ai i Ukrainës Volodymyr Zelensky, kryeministrja e Italisë Giorgia Meloni si dhe presidenti Sergio Matarela etj.

Nga Shqipëria ishte presidenti Bajram Begaj, ndërsa nga Kosova, presidentja Vjosa Osmani. Të pranishëm ishin krerët fetarë të shumë feve botërore, si myslimanë, budistë, hinduistë, sikhë, zoroastrianë e jainistë.

Mbi 200 mijë njerëz e besimtarë ishin të pranishëm në ceremoninë mortore. Ata u vendosën në sheshin Shën Pjetër dhe në rrugët afër sheshit. Mbi 50 mijë ndodheshin vetëm në sheshin Shën Pjetër.

Në nder të Papës u zhvilluan 3 ditë homazhe, pasi u nda nga jeta më 21 prill në moshën 88-vjeçare një ditë pas Pashkës./ CNA





Lajmet e fundit nga