web counter
LEXO PA REKLAMA!

SHKARKO APP

App Store
Google Play

"Meqë vendi juaj nuk më dha Çmimin Nobel, nuk do të mendoj më vetëm për paqe"/ Trump, letër kryeministrit të Norvegjisë

19 Janar 2026, 14:18, Kosova & Bota CNA

"Meqë vendi juaj nuk më dha Çmimin Nobel, nuk do të

Presidenti i SHBA-së, Donald Trump, ka thënë se nuk ndihet më i detyruar të mendojë vetëm për paqen, pasi Komiteti Norvegjez i Nobelit theksoi dje sërish se çmimi Nobel për Paqen nuk transferohet apo jepet. 

Në një letër drejtuar kryeministrit të Norvegjisë, Trump fajësoi vendin që nuk ia dha çmimin, ndërsa përsëriti kërkesën e tij për kontroll të Groenlandës.

“Duke marrë parasysh që vendi juaj vendosi të mos më japë Çmimin Nobel për Paqen për ndalimin e 8 Luftërave PLUS, nuk ndiej më detyrimin të mendoj vetëm për Paqen, megjithëse ajo do të jetë gjithmonë mbizotëruese, por tani mund të mendoj për atë që është e mirë dhe e përshtatshme për SHBA-në. Bota nuk është e sigurt nëse nuk kemi kontroll të plotë dhe total të Groenlandës", thuhet në letër sipas mediave amerikane.

Këto reagime vijnë mes debatit publik pas një takimi në Uashington, ku udhëheqësja e opozitës venezuelase Maria Corina Machado i dhuroi në mënyrë simbolikë çmimin e saj Presidentit të SHBA-së, Donald Trump. Trump e pranoi publikisht dhuratën dhe e mbajti medaljen që iu dha, duke shkaktuar diskutime nëse një çmim Nobel mund të transferohet.

Në reagimin e fundit, Instituti Norvegjez theksoi se Çmimet Nobel nuk mund të transferohen ose rishpërndahen. Gjithashtu u theksua se komiteti i Fondacionit Nobel për Paqen duhet të ruajë vlerën e tij thelbësore, e cila përqendrohet kryesisht në ruajtjen e dinjitetit të Çmimeve Nobel për Paqen dhe administrimin e tyre. /CNA





Lajmet e fundit nga