web counter
LEXO PA REKLAMA!

SHKARKO APP

App Store
Google Play

E fundit!

x

Mbyllet hapësira ajrore e Nigerisë/ Shkak sanksionet e Komunitetit Ekonomik të Shteteve të Afrikës Perëndimore

7 Gusht 2023, 07:51, Kosova & Bota CNA

Mbyllet hapësira ajrore e Nigerisë/ Shkak sanksionet e Komunitetit

Hapësira ajrore e Nigerisë u mbyll të dielën në mesnatë, ditën e vendosur si afat nga një grup vendesh afrikane për liderët ushtarakë të grushtit të shtetit  për të hequr dorë nga synimi për të marrë pushtetin dhe për të rivendosur presidentin e zgjedhur.

Me skadimin e këtij afati, hapësira ajrore e Nigerisë u mbyll për shkak të "kërcënimit të ndërhyrjes nga vendet fqinje", sipas një deklarate video nga udhëheqësi i grushtit të shtetit nigerian, kolonel Major Amadou Abdramane. 

Grushti i shtetit ushtarak në Nigeri filloi në fund të korrikut . Presidenti Mohamed Bazoum po ruhet nga anëtarët e gardës presidenciale, institucionet kombëtare u mbyllën dhe protestuesit nga të dyja palët dolën në rrugë, duke përfshirë mbështetësit e presidentit por edhe ata që mbështesin grushtin e shtetit.

Por, veprimet e udhëheqësve të grushtit të shtetit u dënuan nga Shtetet e Bashkuara dhe disa vende perëndimore, si dhe grupi i vendeve të Afrikës Perëndimore.

Komuniteti Ekonomik i Shteteve të Afrikës Perëndimore (ECOËAS), një bllok rajonal, paralajmëroi se nëse junta ushtarake nuk tërhiqet, ajo mund të përballet me ndërhyrje të mundshme ushtarake dhe u dha liderëve të grushtit të shtetit deri të dielën për të hequr dorë nga pushteti.

Franca dhe Bashkimi Evropian gjithashtu ndërprenë ndihmën financiare për Nigerinë pas grushtit të shtetit./CNA.al





Lajmet e fundit nga