web counter
LEXO PA REKLAMA!

SHKARKO APP

App Store
Google Play

E fundit!

x

Macron humb ndaj së djathtës ekstreme/ Shpall zgjedhje të parakohshme në Francë

9 Qershor 2024, 21:34, Kosova & Bota CNA
Macron humb ndaj së djathtës ekstreme/ Shpall zgjedhje të
Presidenti francez, Emmanuel Macron. Burimi: Reuters

Presidenti i Francës, Emmanuel Macron, ka shpallur zgjedhje të parakohshme.

Macron ka shpërndarë Parlamentin francez pas fitores së partisë së djathtë ekstreme në zgjedhjet për Parlamentin Evropian.

Sondazhet në Francë tregojnë se partia e Marine Le Pen, Marshi Kombëtar, ka dalë e para në zgjedhje, duke fituar mbi 30% të votave.

Ndërkohë, lista e partisë së Macronit, Rilindja, ka dalë e dyta me 15.2 % të votave.

Partia e Marine Le Pen nuk ka shënuar asnjëherë më parë një rezultat kaq të lartë.

Kjo humbje e treguar nga sondazhet ka shtyrë Macronin drejt vendimit për zgjedhje të parakohshme.

Një reagim i menjëhershëm ka ardhur nga Marine Le Pen, e cila ka përshëndetur vendimin e presidentit Macron.

"Ky votim historik tregon se kur njerëzit votojnë, njerëzit fitojnë. Ne jemi gati të marrim pushtetin nëse francezët na japin besimin e tyre në zgjedhjet e ardhshme kombëtare. Ne jemi të gatshëm të ushtrojmë pushtetin, t'i japim fund migrimit masiv, t'i japim përparësi fuqisë blerëse, të gatshëm për ta bërë Francën të jetojë përsëri", tha ajo gjatë një fjalimi para mbështetësve Paris./ CNA





Lajmet e fundit nga