web counter
LEXO PA REKLAMA!

SHKARKO APP

App Store
Google Play

E fundit!

x

Luftë e re në rajon?/ Paralajmëron Kurti: Rreziku është i vërtetë

23 Maj 2024, 16:50, Kosova & Bota CNA
Luftë e re në rajon?/ Paralajmëron Kurti: Rreziku është
Kryeministri i Kosovës, Albin Kurti

Kryeministri i Kosovës, Albin Kurti paralajmëroi se ka rrezik të vërtetë për një luftë të re në rajon.

Ai tha se Serbia po intensifikon bashkëpunimin me Rusinë, Kinën dhe Iranin gjatë fjalimit në Konferencën e Mbrojtjes, që po mbahet në Londër.

Sipas tij, rreshtimi i Serbisë me Rusinë, "qasja shkatërruese” ndaj Kosovës, dhe armatimi i shpejt “janë tregues se qëllimi i Serbisë është përshkallëzimi me qëllim të realizimit të ambicieve të saj territoriale”.

Kurti deklaroi se në kohën kur Evropa po përjeton një luftë, duke iu referuar luftës në Ukrainë, nuk duhet të injorohet edhe një luftë më rajon.

“Tre nga katër brigadat e kombinuara të ushtrisë së Serbisë, përfshirë 48 baza operuese përreth kufirit me Kosovën, duke mos përfshirë edhe njësi të tjera të specializuara, janë të stacionuara në jug të territorit, afër kufirit me Kosovën. Kërcënimi nuk është thjesht teorik. Rreziku i një lufte të re është i vërtetë”, u shpreh ai.

Kryeministri i Kosovës foli edhe për sulmin ndaj Policisë së Kosovës në Banjskë të Zveçanit në shtatorin e vitit të kaluar.

“Nuk është vetëm rreshtimi i Serbisë me Rusinë që sugjeron se qëllimi i grupit ishte të replikonte atë që Rusia bëri në Donbas më 2014”, tha Kurti.

 “Sulmi në Banjskë ndodhi për shkak të shtetit të kapur në Beograd dhe për shkak të ambicieve agresive dhe ekspansioniste të krerëve të shtetit”, tha Kurti.

Ai shtoi se Kosova nuk është vendi i vetëm në Ballkanin Perëndimor që është i cenueshëm ndaj sulmeve fizike.

Sipas tij, kërcënimi manifestohet edhe përmes infrastrukturës të dezinformimit “që Rusia ka ndihmuar të ndërtohet”, e cila sipas tij, përdor ndërhyrjen e NATO-s ndaj caqeve serbe, që çoi në çlirimin e Kosovës “për të shpifur ndaj Perëndimit"./ CNA





Lajmet e fundit nga