web counter
LEXO PA REKLAMA!

SHKARKO APP

App Store
Google Play

E fundit!

x

Lufta Izrael-Iran/ Papa Leo XIV përsërit thirrjen për dialog: Lufta është gjithmonë një disfatë

18 Qershor 2025, 11:52, Kosova & Bota CNA

Lufta Izrael-Iran/ Papa Leo XIV përsërit thirrjen për dialog:

Papa Leo XIV ka ripërsëritur thirrjet e Kishës për çarmatim dhe dialog paqësor.

Ati i Shenjtë foli për shqetësimet e tij në rritje për Lindjen e Mesme.

“Situata në Iran dhe Izrael është përkeqësuar seriozisht”, u tha Papa pelegrinëve brenda Bazilikës së Shën Pjetrit.

“Në një moment kaq delikat, dëshiroj të ripërtërij fuqishëm një apel për përgjegjësi dhe arsye.Angazhimi ynë për të ndërtuar një botë më të sigurt, të lirë nga kërcënimi bërthamor, duhet të ndiqet përmes takimeve të respektueshme dhe dialogut të sinqertë”, deklaroi Ati i Shenjtë.

Leo XIV tha se është detyrë e të gjitha vendeve të nisin shtigjet e pajtimit dhe të promovojnë zgjidhje, të bazuara në drejtësi, vëllazëri dhe të mirën e përbashkët, për të ndërtuar paqe dhe siguri të qëndrueshme në rajon.

“Askush nuk duhet të kërcënojë ekzistencën e një tjetri”, tha ai.

Papa Leo XIV theksoi në mesazhet e tij se, “Lufta është gjithmonë një disfatë”.

“Në emër të dinjitetit njerëzor dhe të drejtës ndërkombëtare, u përsëris atyre që janë përgjegjës atë që thoshte Papa Françesku: “Lufta është gjithmonë një disfatë”. Dhe Piun XII: “Asgjë nuk humbet me paqen, gjithçka mund të humbasë me luftën”.

Papa Leo XIV kërkoi gjithashtu ndalimin e konfliktit në Gaza dhe në Ukrainë.

“Zemra e Kishës është e shqyer nga britmat që vijnë nga vendet e luftës, në veçanti nga Ukraina, Irani, Izraeli dhe Gaza. Nuk duhet të mësohemi me luftën, përkundrazi duhet ta hedhim poshtë si tundim joshjen e armëve të fuqishme dhe të sofistikuara”./ CNA





Lajmet e fundit nga