web counter
LEXO PA REKLAMA!

SHKARKO APP

App Store
Google Play

E fundit!

x

Themeluesi i Gardës Revolucionare të Iranit: Një sulm ndaj infrastrukturës do të paralizonte gjithçka

17 Qershor 2025, 20:22, Kosova & Bota CNA

Themeluesi i Gardës Revolucionare të Iranit: Një sulm ndaj

Mohsen Sazegara, themelues i Gardës Revolucionare të Iranit (Pasdaranëve) pranë Khomeinit, në zyrat e këtij të fundit në Francë, i cili pas burgosjes në 2003 nga regjimi i Ali Khameneit, u transferua në Washington ka zhvilluar një komunikim me TvKlan.al.

Aktualisht Sazegara është Anëtar i Bordit të ITC-së (Këshilli Tranzitor i Iranit), pjesë e politikës opozitare në mërgim.

Pyetja e parë që i drejtohet është nëse në situatën aktuale, ai mendon se jemi afër një ndryshimi të regjimit?

Sazegara, e bën akoma më evidente shqetësimin e tij në lidhje me fatin e vendit.

Pyetjet dhe përgjigjet e plota:

-Mendoni se jemi afër një ndryshimi të regjimit  dhe nëse kjo do të ishte vërtet afër, çfarë forme mund të merrte qeverisja e re?

“Më shumë sesa një ndryshim regjimi që shfaqet në horizont, kërcënimi i vërtetë me të cilin përballet vendi është rënia e regjimit, duke çuar në kaos dhe madje edhe në luftë civile Iranin”.

-Nëse në fazën e dytë të kësaj lufte që ka filluar Izraeli, ai do të shkatërronte infrastrukturën e ekonomisë së vendit, a mendoni se opinioni publik iranian mund të ndryshonte qëndrim ndaj Izraelit?

“Shpresoj që kjo të mos ndodhë, sepse një sulm ndaj infrastrukturës, veçanërisht sektorit të energjisë, do të paralizonte gjithçka. Sidoqoftë, populli iranian, i cili tashmë po vuan, do të përfundojë duke i përçmuar të dyja palët (Izraelin dhe Republikën Islamike) edhe më shumë”.

-A do të ishte saktësisht në gjendje opozita jashtë Iranit ta udhëhiqte vendin në rast të një ndryshimi regjimi?

“Kur shpërthen lufta, është ushtria ajo që merr iniciativën. Si rezultat, politikanët e opozitës, si brenda ashtu edhe jashtë vendit, detyrohen të shohin fatin e fushës së betejës. Në realitet, pushteti del nga gryka e një pushke. Nëse vendi shembet, situata do të bëhet edhe më keq, dhe në kaosin që vjen më pas, në fund të fundit është një diktator ushtarak i aftë për të rivendosur sigurinë që do të marrë fronin”.

Akoma më alarmante kjo përgjigje, në momentin kur ndjekim drejtpërdrejtë lajmet që arrijnë nga fronti i luftës.





Lajmet e fundit nga