Leoni XIV viziton varrin e Shën Palit/ Jep mesazhin e rëndësishëm

22 Maj 2025, 14:28, Kosova & Bota CNA

Leoni XIV viziton varrin e Shën Palit/ Jep mesazhin e

Teksa vizitoi varrin e Shën Palit Apostull, Ati i Shenjtë i kërkoi Hyjit t’u japë të gjithëve hirin për t’iu përgjigjur thirrjes së tij (pasi Zoti na kërkon i pari), duke u bërë dëshmitarë të dashurisë së Shpirtit të Shenjtë, të afërt me njëri-tjetrin në bamirësi, që te secili të dëshmohet “fuqia e fesë në Zotin, që shpërblen”, pra, justifikon çdo besimtar me drejtësi.

"Ashtu si Jezusi Zot e transformoi jetën e Shën Palit (Saulit), edhe ne duhet të kërkojmë të jemi 'dëshmitarë të dashurisë'".

Kështu u shpreh, mes tjerash, Papa Leo XIV në homelinë e tij gjatë vizitës në Bazilikën e Shën Palit jashtë mureve në Romë.

"I kërkojmë Shën Palit të na mësojë të kultivojmë dhe të përhapim dashurinë e tij, duke u bërë të afërt me njëri-tjetrin."

Gjatë homelisë së kremtimit të Fjalës së Zotit, Papa komentoi pikërisht pjesën nga Letra e Shën Palit Apostull drejtuar romakëve, që u lexua në liturgjinë e sotme, duke ia besuar apostullit fillimin e papnisë e duke reflektuar mbi mesazhin e tij, i cili përqendrohet në tri tema kryesore: hiri, feja dhe drejtësia.

Leoni XIV viziton varrin e Shën Palit/ Jep mesazhin e

“Shën Pali nënvizon se ka pasur prej Zotit hirin e thirrjes, pra, vetë Hyji e thirri për një jetë të re, ndërsa persekutonte të krishterët. Të njëjtën përvojë e konfirmon edhe Shën Augustini”, nënvizoi Papa në homeli, duke vënë në dukje se është Zoti ai që zgjedh i pari, me “mëshirën e tij, me mirësinë bujare si ajo e një nëne, që natyrshëm, përmes trupit të vet, ushqen fëmijën kur nuk është ende i aftë të ushqehet vetë”, siç thotë shenjti, që i jep emrin Urdhrit ku bën pjesë edhe Leoni XIV, në tesktin e tij “Shpjegime mbi Psalmin 130”. “Por, Shën Pali”, vuri në dukje Ati i Shenjtë, “flet edhe për bindjen e fesë”.

Leoni XIV viziton varrin e Shën Palit/ Jep mesazhin e

“Zoti, në fakt”, - vërejti Papa – “duke iu dukur atij në rrugën e Damaskut (shih Vap 9,1-30), nuk e privoi nga liria, por i la mundësinë e një zgjedhjeje, të një bindjeje, fryt i mundimeve, i luftërave të brendshme dhe të jashtme, të cilat ai pranoi t’u bënte ballë. Shpëtimi nuk vjen me magji, por me anë të një misteri hiri dhe feje, mister i dashurisë paraprirëse të Hyjit dhe i pranimit me besim e liri nga ana e njeriut”./ CNA