LEXO PA REKLAMA!

SHKARKO APP

Kosova nënshkruan me USAID-in marrëveshjen për grantin 35 milionë dollarësh

15 Shtator 2023, 14:14, Kosova & Bota CNA
Kosova nënshkruan me USAID-in marrëveshjen për grantin 35
Foto ilustruese

Kosova ka arritur të premten marrëveshje me Agjencinë Amerikane për Zhvillim Ndërkombëtar (USAID) në vlerë të rreth 35 milionë dollarëve.

Marrëveshja e Grantit për Zhvillim është nënshkruar nga presidentja e Kosovës, Vjosa Osmani, dhe ushtruesja e detyrës së drejtoreshës së USAID-it, Kerry Monaghan Hogler.

Presidentja Osmani ka thënë se fondet do të kontribuojnë në plotësimin e objektivave zhvillimore të Kosovës.

“Kjo marrëveshje është dëshmi e mbështetjes së vazhdueshme të Qeverisë dhe popullit amerikan ndaj Kosovës dhe popullit të saj”, ka thënë ajo në një konferencë për media.

Osmani ka thënë se marrëveshja do të kontribuojë edhe në reduktimin e korrupsionit dhe rritjen e efikasitetit të reagimit ndaj nevojave të qytetarëve.

Ambasadori amerikan në Kosovë, Jeffrey Hovenier, ka thënë në konferencën e përbashkët me presidenten Osmani se marrëveshja e konfirmon partneritetin afatgjatë të SHBA-së me popullin e Kosovës.

Hovenier e ka përmendur se prej vitit 1999 SHBA-ja i ka investuar më shumë se 2 miliardë dollarë në Kosovë, "për t’i çuar përpara interesat e përbashkëta"./ Rel

Lajmet e fundit nga