web counter
LEXO PA REKLAMA!

SHKARKO APP

App Store
Google Play

E fundit!

x

Charles McGonigal, drejt pranimit të fajësisë për hetimin Trump-Rusi/ Kërkon kohë për hartimin e marrëveshjes

14 Shtator 2023, 19:09, Kosova & Bota CNA

Charles McGonigal, drejt pranimit të fajësisë për hetimin

Ish-zyrtari i FBI-së, Charles McGonigal, i cili u deklarua fajtor për akuzat për komplot me një oligark rus, duket se është drejt një marrëveshjeje me drejtësinë.

“Fox News” raporton se McGonigal do të bashkëpunojë me gjykatën federale dhe do të pranojë fajësinë për një tjetër akuzë, atë që lidhet me ndikimin rus në zgjedhjet presidenciale të 2016-ës në SHBA.

Ai i ka kërkuar një gjykatësi federal në Uashington DC, më shumë kohë për të hartuar marrëveshjen për pranimin e fajësisë. 

Mendohet se kjo ka qenë edhe arsyeja pse gjyqtarja Colleen Kollar-Kotelly shtyu të hënën seancën dëgjimore për McGonigal.

Avokati mbrojtës i këtij të fundit pranoi se gjatë kësaj kohe do të negociohet për një marrëveshje.

Kujtojmë se McGonigal ishte i përfshirë në hetimet për lidhjet e dyshuara mes ekipit të fushatës së ish-presidentit amerikan dhe Rusisë në zgjedhjet e vitit 2016.

Dyshohet se ai luajti një rol në vendimin e FBI-së për të nisur hetimin e saj për ndërhyrjen ruse në zgjedhjet presidenciale të 2016-ës dhe lidhjet e mundshme midis fushatës së ish-presidentit Donal Trump dhe Rusisë, të quajtura "Uragani Crossfire".

Ish-zyrtari i FBI-së ngriti pretendimet se Trump, asokohe kandidat për president, po koordinohej me Rusinë për fushatën e tij elektorale, në mënyrë që në ndikonte në zgjedhje.

McGonigal akuzohet për dhënien e deklaratave të rreme dhe falsifikim të të dhënave dhe dokumenteve. Për këto akuza ai mund të dënohet maksimalisht me 20 vjet burg./ CNA





Lajmet e fundit nga