LEXO PA REKLAMA!

SHKARKO APP

Enigma e UFO-ve/ Raporti i NASA-s: S'kemi gjetur prova që UAP-të kanë origjinë jashtëtokësore

14 Shtator 2023, 18:11, Kosova & Bota CNA

Enigma e UFO-ve/ Raporti i NASA-s: S'kemi gjetur prova që UAP-të

NASA ka publikuar një raport mbi fenomenet anormale të paidentifikuara (UAP), të njohura zakonisht si UFO.

Më pas, në një konferencë për shtyp, NASA shpjegoi gjetjet e saj. Sipas ekspertëve të saj, objektet ose pamjet e raportuara nga njerëzit si UAP, nuk kanë origjinë jashtëtokësore.

“Ekipi i pavarur i studimit i NASA-s nuk gjeti asnjë provë që UAP-ët kanë origjinë jashtëtokësore, por ne nuk e dimë se çfarë janë këto UAP”, tha administratori i NASA-s, Bill Nelson.

Por NASA thotë se pretendimet për UAP nuk do të hidhen poshtë tërësisht.

“Ne do të përdorim ekspertizën e NASA-s për të punuar me agjenci të tjera për të hetuar UAP-të”, deklaroi ai.

Nga ana tjetër, ekipi i studimit sugjeron që NASA të shfrytëzojë satelitët e saj të vëzhgimit të Tokës për të ndihmuar në sigurimin e të dhënave që hedhin më shumë dritë mbi UAP-të. 

“Aktualisht, analiza e të dhënave UAP pengohet nga kalibrimi i dobët i sensorit, mungesa e matjeve të shumta, mungesa e të dhënave të sensorit dhe mungesa e të dhënave bazë”, thuhet në raport.

I pyetur për këtë çështje, Nelson deklaroi se vështrimet e UFO-ve janë shpesh të paparashikueshme dhe kalimtare, ndaj janë të vështira për t'u studiuar shkencërisht. 

"Mendoni pak: Shumica e pamjeve të UAP rezultojnë në të dhëna shumë të kufizuara. Kjo e bën edhe më të vështirë nxjerrjen e përfundimeve shkencore rreth natyrës së UAP”, u shpreh ai.

Administratori theksoi se NASA nuk e di se çfarë janë këto UAP, por se po bën gjithçka që mundet për të zbuluar./ CNA

Lajmet e fundit nga