web counter
LEXO PA REKLAMA!

SHKARKO APP

App Store
Google Play

E fundit!

x

Sulmi me 12 viktima në Sidnei/ Netanyahu akuza të ashpra qeverisë australiane: E latë antisemitizmin të përhapet

14 Dhjetor 2025, 17:26, Kosova & Bota CNA

Sulmi me 12 viktima në Sidnei/ Netanyahu akuza të ashpra qeverisë

Kryeministri izraelit, Benjamin Netanyahu ka reaguar me akuza të ashpra ndaj qeverisë australiane, lidhur me sulmin terrorist që vra 12 persona, mes tyre dhe autori, në plazhin Bondi të Sidneit gjatë një festimi të Hanukkah. Sipas raportimeve, mes viktimave të sulmit ishte edhe një shtetas izraelit.

Netanyahu gjatë një fjalimi vuri në dukje se në gusht i kishte dërguar një letër kryeministrit australian Anthony Albanese, ku i kishte thënë se politikat e qeverisë australiane po promovonin dhe inkurajonin antisemitizmin në Australi.

“Shkrova: ‘Thirrja juaj për një shtet palestinez i hedh benzinë ??zjarrit antisemitik. Shpërblen terroristët e Hamasit. I trimëron ata që kërcënojnë hebrenjtë australianë dhe inkurajon urrejtjen ndaj hebrenjve që tani po ju përshkon rrugët’”, tha Netanyahu.

Kryeministri izraelit vijoi me akuzat duke thënë se qeveria e Albanese nuk po bën asgjë për të ndaluar përhapjen e antisemitizmit në Australi.

"Ju e latë sëmundjen të përhapet dhe rezultati janë sulmet e tmerrshme ndaj hebrenjve që pamë sot", shtoi ai.

Ngjarja e ndodhur ditën e sotme ishte cilësohet si më e rënda e një serie sulmesh antisemite ndaj sinagogave dhe ndërtesave në Australi që nga fillimi i luftës së Izraelit në Gaza në tetor 2023. Kujtojmë se Australia njoftoi më 11 gusht se do ta njihte shtetin palestinez në Asamblenë e Përgjithshme të OKB-së në shtator, një veprim që pasoi njoftime të ngjashme nga Franca, Britania dhe Kanadaja. /CNA





Lajmet e fundit nga