web counter
LEXO PA REKLAMA!

SHKARKO APP

App Store
Google Play

Tërmeti godet Turqinë dhe Rodosin/ Raportohet për 1 viktimë dhe 69 të plagosur

3 Qershor 2025, 11:51, Kosova & Bota CNA

Tërmeti godet Turqinë dhe Rodosin/ Raportohet për 1 viktimë

Një tërmet me magnitudë 5.8 ballë ka goditur Turqinë dhe Rodosin. Tërmeti ka shkaktuar një viktimë. 14-vjeçarja kishte pësuar atak paniku.

Tërmeti, i cili kishte një thellësi prej 68 km sipas Qendrës Sizmologjike Europiane, u ndie në të gjithë ishujt Dodekanezë.

Të paktën 69 persona u plagosën pasi u përpoqën të hidheshin nga lartësitë për shkak të panikut të shkaktuar nga dridhjet, të cilat u ndien fuqishëm në ishullin grek të Rodosit - më i madhi nga ishujt Dodekanezë pranë kufirit turk.

Nuk u raportuan të lënduar në Rodos.

Agjencia turistike TUI u bëri thirrje turistëve në rajon të “qëndrojnë të qetë dhe të ndjekin çdo udhëzim sigurie të dhënë nga akomodimi ose zyrtarët lokalë”.

Sizmologu grek Efthimios Lekkas tha për "ERT News" se thellësia e tërmetit bëri që ai të ndihet në një zonë më të gjerë.

"Nuk do të ketë një ndikim të rëndësishëm në sipërfaqe, nuk do të ketë cunami dhe, mbi të gjitha, nuk do të ketë një sekuencë të pasur lëkundjesh pasuese", vuri në dukje ai.

Për shkak të thellësisë së konsiderueshme, tërmeti "ishte shumë intensiv për banorët e Rodosit dhe zonave përreth. Që nga tani e tutje, nuk do të ketë dëme të mëdha"./ CNA





Lajmet e fundit nga