web counter
LEXO PA REKLAMA!

SHKARKO APP

App Store
Google Play

E fundit!

x

Gjendet trupi i viktimës së fundit nga përmbytjet në Bosnje

16 Tetor 2024, 16:06, Kosova & Bota CNA
Gjendet trupi i viktimës së fundit nga përmbytjet në Bosnje
Ekipet e shpëtimit duke kërkuar viktima të përmbytjeve në fshatin Buturoviç Polje, Bosnje e Hercegovinë, 7 tetor 2024. Burimi: Reuters

Është gjetur trupi i viktimës së fundit nga përmbytjet vdekjeprurëse dhe shkatërruese që goditën pjesë të ndryshme të Bosnje e Hercegovinës në fillim të këtij muaji.

Viktima e fundit, e cila ishte kërkuar në zonën e Konjicës pas vërshimeve në atë zonë, është gjetur në liqenin e Jabllanicës, tha të mërkurën kryetari i komunës së Konjicës, Osman Qatiç.

Viktima është një burrë 62-vjeçar nga fshati Buturoviç Polje, afër Konjicës, i cili ishte zhdukur nga vërshimet e 4 tetorit në këtë pjesë të vendit.

“Është viktima e fundit e përmbytjeve që është kërkuar në zonën e Konjicës ditëve të fundit”, tha Qatiç për Radion Evropa e Lirë.

Qatiq theksoi se trupi i tij i pajetë u gjet në liqenin e Jabllanicës, dhe se bashkëshortja e tij humbi jetën gjithashtu nga këto përmbytje.

Në përgjithësi 27 njerëz humbën jetën nga përmbytjet dhe rreshqitjet e dheut që goditën Bosnjën më 4 tetor, prej tyre 19 në Donja Jabllanica, fshat në Jabllanicë, pesë në Konjicë, dhe tre në Fojnicë.

Të martën, rreth 2.000 njerëz morën pjesë në varrimin e 19 njerëzve që humbën jetën si pasojë e përmbytjeve dhe rrëshqitjeve të dheut në Donja Jabllanica.

Shirat e rrëmbyeshëm dhe erërat e fuqishme goditën pjesë të Bosnjës jugore dhe qendrore më 4 tetor, duke shkatërruar shtëpi, rrugë dhe duke ndërprerë rrymën dhe bllokuar qasjen në disa fshatra.

Ekipet e shpëtimit nga Sllovenia, Kroacia, Serbia dhe Mali i Zi ndihmuan në kërkimin e personave të zhdukur në zonat e përmbytura gjatë javës së kaluar, ndërsa njësitë e inxhinierisë ndihmuan në përpjekjet e tjera të rimëkëmbjes.

Qeveria e Kosovës njoftoi javën e kaluar se do ta ndihmojë Bosnje e Hercegovinën me 200.000 euro, pas përmbytjeve vdekjeprurëse./ REL





Lajmet e fundit nga