web counter
LEXO PA REKLAMA!

SHKARKO APP

App Store
Google Play

E fundit!

x

Gjenden 41 trupa pas aksidentit ajror në Uashington

1 Shkurt 2025, 18:27, Kosova & Bota CNA

Gjenden 41 trupa pas aksidentit ajror në Uashington

Hetuesit njoftuan se është gjetur kutia e zezë e helikopterit të ushtrisë amerikane që u përplas me një avion pasagjerësh të mërkurën në mbrëmje, në aeroportin e kryeqytetit amerikan.

Autoritetet thanë se po shqyrtojnë të dhënat e fluturimit të helikopterit, së bashku me të dhënat e gjetura në kutitë e zeza të avionit në përpjekje për të gjetur shkakun e përplasjes që la 67 të vdekur.

Ndërkohë, ekipet e posaçme po vazhdojnë kërkimet në lumin Potomak, si pjesë e operacionit të kërkimit dhe hetimit për një prej aksidenteve ajrore me të rënda në thuajse një çerek shekulli në Shtetet e Bashkuara. Shefi i Departamentit të Zjarrfikëses, John Donnelly Sr. tha të premten se ishin gjetur trupat e 41 viktimave.

Është e paqartë se për sa kohë do të vazhdojë operacioni i kërkimit. Tashmë aeroporti “Ronald Reagan” ka vazhduar punën ndonëse dy nga tre pistat e aeroportit vazhdojnë të jenë të mbyllura.

Të premten, Presidenti Donald Trump tha se helikopteri i ushtrisë i tipit “Black Hawk” po fluturonte më lart se sa duhej në momentin që u përlas me avionin e kompanisë “American Airlines”. “Helikopteri Blackhawk po fluturonte në një lartësi shumë më të madhe se sa kufiri prej 61 metrash. Kjo nuk është shumë e vështirë për t’u kuptuar, apo jo”, shkroi Presidenti Trump në një postim në rrjetin Truth Social./ VOA





Lajmet e fundit nga