web counter
LEXO PA REKLAMA!

SHKARKO APP

App Store
Google Play

Çfarë është gripi i shpendëve dhe sa të shqetësuar duhet të jemi?

19 Qershor 2024, 11:29, Kosova & Bota CNA
Çfarë është gripi i shpendëve dhe sa të
Foto marrë nga "BBC"

Gripi i shpendëve po përhapet në SHBA në një zhvillim befasues që po shqetëson shkencëtarët. Nuk ka asnjë provë që virusi mund të shkaktojë një pandemi te njerëzit, por autoritetet po e mbajnë nën vëzhgim situatën.

Çfarë është gripi i shpendëve?

Gripi i shpendëve është një sëmundje e shkaktuar nga një virus që infekton zogjtë dhe ndonjëherë edhe kafshë të tjera, si dhelpra, foka dhe lundërza. Lloji kryesor - që qarkullon midis zogjve të egër në mbarë botën - është një lloj virusi i njohur si H5N1. U shfaq në Kinë në fund të viteve 1990.

Migrimi i shpendëve ka çuar në shpërthime në shpendët shtëpiakë dhe të egër. Virusi në raste shumë të rralla ka infektuar njerëzit. Shkencëtarët thonë se rreziku aktual për njerëzit është i ulët. Transmetimi nga zogjtë te njerëzit është i rrallë dhe nuk ka pasur një transmetim të qëndrueshëm nga njeriu te njeriu.

H5N1 tani po përhapet me shpejtësi në kopetë e lopëve në SHBA, në atë që Qendra e SHBA-së për Kontrollin e Sëmundjeve, CDC, e përshkruan si një "shpërthim të vazhdueshëm shumështetëror".

Kërcimi i virusit në bagëti i habiti shkencëtarët, të cilët mendonin se lopët nuk ishin të ndjeshme ndaj tij.

A mund të përhapet gripi i shpendëve te njerëzit?

Ka pasur raste të njerëzve që kanë kapur H5N1 herë pas here, zakonisht nga kontakti me kafshë të sëmura, në disa vende, duke përfshirë Kamboxhia, Kili, Kinë, Vietnam, Australi, SHBA dhe Mbretërinë e Bashkuar.

Disa qindra raste njerëzore janë raportuar që nga viti 1997, rreth gjysma e të cilëve kanë vdekur. Shumë shtete amerikane po investojnë në masa parandaluese, si veshje mbrojtëse dhe syze për punëtorët e fermave.

Ekspertët që studiojnë virusin thonë se nuk ka asnjë provë se ai është shndërruar në një formë që do të përbënte një kërcënim të madh për njerëzit. Viroologu Tom Peacock thotë se sa më shumë të përhapet në të gjithë SHBA-në, aq më e lartë është mundësia që virusi të futet te njerëzit./CNA 





Lajmet e fundit nga