web counter
LEXO PA REKLAMA!

SHKARKO APP

App Store
Google Play

Dështimi i seancës së 22-të/ Kurti: Kuvendin nuk e konstituon fituesi, por të gjithë

27 Maj 2025, 16:03, Kosova & Bota CNA

Dështimi i seancës së 22-të/ Kurti: Kuvendin nuk e

Deputetët e Kuvendit të Kosovës kanë dështuar për herë të 22-të radhazi të konstituojnë përbërjen parlamentare, të dalë nga zgjedhjet e 9 shkurtit.

As në seancën e sotme nuk u arrit të siguroheshin votat e nevojshme për ngritjen e Komisionit të Mbikëqyrjes për një votim të fshehtë. Vetëm 54 deputetë kanë votuar pro, nga 61 vota që duhen. Një ka votuar kundër, ndërsa abstenim s’ka pasur.

Pas dështimit të seancës ka reaguar Kryeministri i Kosovës, Albin Kurti.

Ai ka deklaruar se Kuvendin nuk e konstituon fituesi, por të gjithë, ndryshe nga formimi i qeverisë, që e sheh si përgjegjësi të partisë së tij Vetëvendosje.

“Kosova ka qeveri në detyrë, unë jam kryeministër në detyrë. Ajo që i ndihmon Kosovës është Kuvendi i ri i Republikës. Kuvendin nuk e konstituon fituesi, por të gjithë. Si fitues të zgjedhjeve me 48 deputetë dhe me 9 deputetë të pakicave që na janë bashkuar, e kemi përgjegjësinë për ta formuar qeverinë.

Pra, fituesi e ka përgjegjësinë për formimin e qeverisë. Ndërkaq, për ta konstituuar Kuvendin, përgjegjësinë e kanë të gjithë deputetët dhe po bëjnë gabim që po e pamundësojnë kuorumin për votimin e fshehtë”./ CNA

 





Lajmet e fundit nga