web counter
LEXO PA REKLAMA!

SHKARKO APP

App Store
Google Play

Macron mbërrin në Vietnam dhe nis turneun e Azisë Juglindore

25 Maj 2025, 22:41, Kosova & Bota CNA

Macron mbërrin në Vietnam dhe nis turneun e Azisë Juglindore

Presidenti francez Emmanuel Macron mbërriti në Vietnam të dielën në mbrëmje për pjesën e parë të një turneu në Azinë Juglindore, ku ai do ta paraqesë vendin e tij si një partner alternativ të besueshëm ndaj Shteteve të Bashkuara dhe Kinës. Gjatë udhëtimit të tij gjashtëditor, i cili përfshin ndalesa në Indonezi dhe Singapor, Macron do të nënvizojë respektin e tij për sovranitetin e vendeve aziatike.

Sipas mediave franceze, presidenti Macron do të takohet me udhëheqjen e lartë të Vietnamit të hënën, në kryeqytetin Hanoi dhe me aktorët kryesorë të sektorit të energjisë të martën.

Macron shpreson të shfaqë ekspertizën e Francës në energjinë bërthamore civile në Vietnam dhe Indonezi, të cilat janë të etura ta përqafojnë këtë formë energjie, megjithëse edhe vende të tjera, përfshirë Rusinë, janë gjithashtu në garë për marrëveshje.

“Sfidat kryesore të shekullit mund të përballohen vetëm në bashkëpunim me partnerët tanë. Kam ardhur këtu për të forcuar lidhjet tona në fusha kyçe: mbrojtje, inovacion, tranzicion energjitik dhe shkëmbime kulturore. Kudo që të shkoj, do të them një gjë të thjeshtë: Franca është një fuqi paqeje dhe ekuilibri”,- tha shkroi Macron në mediat sociale pasi mbërriti në Hanoi.

Ndërkohë, ambasadori francez në Vietnam, Olivier Brochet, tha se vizita shtetërore e Presidentit Macron ka rëndësi të madhe për marrëdhëniet midis dy vendeve. Vietnami është destinacioni i parë i turneut të udhëheqësit francez në tre vende të Azisë Juglindore, ndërsa dy të tjerat janë Indonezia dhe Singapori./CNA





Lajmet e fundit nga