web counter
LEXO PA REKLAMA!

SHKARKO APP

App Store
Google Play

Hamasi pranon propozimin e SHBA-së për armëpushim në Gaza

26 Maj 2025, 17:36, Kosova & Bota CNA

Hamasi pranon propozimin e SHBA-së për armëpushim në Gaza

Hamasi ka rënë dakord me një propozim të të dërguarit të posaçëm të SHBA-së, Steve Witkoff, për një armëpushim në Gaza, duke hapur rrugën për një përfundim të mundshëm të luftës me Izraelin.

Propozimi i ri, i cili parashikon lirimin e dhjetë pengjeve dhe 70 ditë armëpushim, u pranua nga Hamasi nëpërmjet ndërmjetësve.

"Propozimi përfshin lirimin e dhjetë pengjeve izraelite të gjalla të mbajtura nga Hamasi në dy grupe në këmbim të një armëpushimi 70-ditor dhe një tërheqjeje të pjesshme nga Rripi i Gazës", tha burimi për Reuters.

Propozimi parashikon gjithashtu lirimin e një numri të burgosurish palestinezë nga Izraeli, përfshirë qindra që vuajnë dënime të gjata me burg.

Më 18 mars, Izraeli në fakt i dha fund një marrëveshjeje armëpushimi të janarit me Hamasin. Hamasi dhe fraksionet aleate filluan të qëllonin me raketa dhe sulme dy ditë më vonë.

Hamasi ka thënë se është i gatshëm të lirojë të gjithë pengjet e mbetura të kapura nga personat e armatosur në sulmet ndaj komuniteteve në Izraelin jugor më 7 tetor 2023 dhe të bjerë dakord për një armëpushim të përhershëm nëse Izraeli tërhiqet plotësisht nga Gaza.

Kryeministri izraelit Benjamin Netanyahu ka thënë se Izraeli do të ishte i gatshëm të pranonte një armëpushim të përkohshëm vetëm në këmbim të lirimit të pengjeve, duke u zotuar se lufta mund të përfundojë vetëm pasi të zhduket Hamasi./ CNA





Lajmet e fundit nga