web counter
LEXO PA REKLAMA!

SHKARKO APP

App Store
Google Play

Pas telefonatës me Von der Leyen/ Trump shtyn vendosjen e tarifave 50% me BE-në deri në korrik

26 Maj 2025, 07:29, Kosova & Bota CNA

Pas telefonatës me Von der Leyen/ Trump shtyn vendosjen e tarifave 50% me

Presidenti i Shteteve të Bashkuara të Amerikës, Donald Trump, ka lajmëruar se do të shtyjë vendosjen e tarifave prej 50% që hyjnë në SHBA nga Bashkimi Europian. Shtyrja është deri në korrik të vitit 2025.

Vendimi vjen pas deklaratës së presidentes së KE, Ursula von der Leyen, e cila tha se kishte biseduar me Trump për një afat deri në korrik për të arritur një marrëveshje të mirë tregtare dypalëshe.

Të premten e kaluar Trump tha se do të vendoste tarifa prej 50%  duke filluar nga 1 qershori, pas deklaratave të liderëve europianë se do të kundërpërgjigjeshin me tarifa.

Presidenti amerikan, në komentet në platformën e tij “Truth Social”, kishte ringjallur frikë të premten e kaluar për një luftë tregtare midis dy fuqive, kur tha se bisedimet “nuk po çojnë askund” dhe se blloku ishte “shumë i vështirë për t’u përballuar”.

Z. Trump u tha mediave në Morristown, New Jersey, të dielën se znj. Von der Leyen "sapo më telefonoi... dhe kërkoi një zgjatje të afatit të 1 qershorit. Dhe tha se dëshiron të fillojë negociata serioze".

Menjëherë pas kësaj, ai shkroi në Truth Social: "Unë pranova zgjatjen - 9 korrik 2025 - Ishte privilegji im ta bëja këtë"./ CNA





Lajmet e fundit nga