web counter
LEXO PA REKLAMA!

SHKARKO APP

App Store
Google Play

E fundit!

x

“Dërgoni ndihma për Gazën”/ Papa reagon për armëpushimin Izrael-Hamas

19 Janar 2025, 17:54, Kosova & Bota CNA

“Dërgoni ndihma për Gazën”/ Papa reagon për

Papa Françesku përshëndeti dhe shprehu mirënjohje për armëpushimin e arritur mes Izraelit dhe Hamasit, me palët që ishin në luftë për 15-muaj me radhë. Papa Françesku shprehu mirënjohje për të gjithë negociatorët që bënë të mundur arritjen e armëpushimit ndërsa kërkoi që palët të zbatojnë dhe t’i qëndrojnë marrëveshjes së arritur.

“Unë shpreh mirënjohjen time për të gjithë ndërmjetësuesit. Është një punë e mirë të ndërmjetësosh që të arrihet paqja. Falenderoj të gjitha palët e përfshira në këtë rezultat të rëndësishëm. Shpresoj se ajo që është rënë dakord do të respektohet menjëherë nga palët dhe se të gjithë pengjet më në fund mund të kthehen në shtëpi dhe të përqafojnë të dashurit e tyre.

Shpresoj gjithashtu që ndihma humanitare të arrijë tek njerëzit e Gazës, të cilët kanë nevojë urgjente për të, shpejt dhe në sasi të mëdha. Si izraelitët dhe palestinezët kanë nevojë për shenja të qarta shprese: Unë besoj se autoritetet politike të të dyve, me ndihmën e komunitetit ndërkombëtar, mund të arrijnë zgjidhjen e duhur për të dy shtetet.

Të gjithë mund të thonë: po dialogut, po pajtimit, po paqes. Dhe le të lutemi për këtë: për dialog, pajtim dhe paqe”, përfundoi Papa Françesku. /CNA





Lajmet e fundit nga