web counter
LEXO PA REKLAMA!

SHKARKO APP

App Store
Google Play

E fundit!

x

DASH “gozhdon” sërish Ballkanin/ U vendos sanksione dy zyrtarëve të njohur

6 Qershor 2022, 17:42, Kosova & Bota CNA

 

DASH “gozhdon” sërish Ballkanin/ U vendos sanksione dy
Departamenti Amerikan i Shtetit

Zyra e Departamentit të Thesarit të SHBA ka sanksionuar dy politikanë të tjerë në Ballkan. Bëhet fjalë për dy zyrtarë të njohur në Bosnje, Marinko Cavara, President i Federatës së Bosnjë-Hercegovinës dhe Alen Seranic, Ministri i Shëndetësisë dhe Mirëqenies Sociale në Republika Srpska. Sipas DASH, ata kanë kërcënuar stabilitetin e rajonit duke minuar Marrëveshjet e Paqes të Dejtonit dhe proceset apo institucionet demokratike.

“Veprimi i sotëm përforcon angazhimin e Shteteve të Bashkuara për të promovuar llogaridhënien në Ballkanin Perëndimor, duke përfshirë për ata zyrtarë që minojnë proceset apo institucionet demokratike në Ballkanin Perëndimor dhe në këtë mënyrë kërcënojnë paqen, stabilitetin dhe prosperitetin e vendeve të tyre”, thuhet në deklaratën e DASH.

“Marinko Cavara dhe Alen Seranic kanë kërkuar secili të ndjekin axhendat etnonacionaliste dhe politike në kurriz të institucioneve demokratike dhe qytetarëve të Bosnjës dhe Hercegovinës”, tha nënsekretari i Thesarit për Terrorizmin dhe Inteligjencën Financiare, Brian E. Nelson.

Kujtojmë këtu, se pak muaj më parë, DASH shpalli non grata ish deputetin e Elbasanit Aqif Rakipin dhe pronarin e mediave Ylli Ndroqin, ndërsa u janë bllokuar të gjitha pronat e tyre në SHBA. Pjesë e listës së zezë ku e kanë të ndaluar të hyjnë në SHBA dhe bllokimit të pasurisë janë edhe pjesëtarët e familjes së tyre të ngushtë.

Aqif Rakipi dhe Ylli Ndroqi akuzohen nga SHBA si persona të cilët kërcënojnë stabilitetin e Shqipërisë përmes korrupsionit, aktivitetit kriminal dhe sjelljeve të tjera destabilizuese të vendit. Për DASH dhe Departamentin e Thesarit sjellje të tilla korruptive minon sundimin e ligjit dhe rritjen ekonomike, si dhe iu mohon njerëzve në këto vende mundësi dhe stabilitet./E.K-CNA.al

 





Lajmet e fundit nga