E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Bisedimet SHBA-Iran për programin bërthamor

5 Shkurt 2026, 08:40, Kosova & Bota CNA

Pavarësisht kërcënimeve reciproke bisedimet ndërmjet Teheranit dhe Uashingtonit do të fillojnë këtë javë. Sikurse njoftohet nga Irani, takimi është planifikuar të zhvillohet të premten (6.02.2026) në Oman.

Këtë të premte (6.02.2026) Irani, sipas të dhënave të veta, do të fillojë bisedimet me SHBA-në në Oman. Bisedimet për programin bërthamo iranian janë planifikuar për në orën 10:00 sipas orës së Omanit në kryeqytetin Maskat, shkruan ministri i Jashtëm i Iranit Abbas Araghtçi në platformën X. "I jam mirënjohës vëllezërve tanë omanezë, që kanë marrë masat e nevojshme", shtoi ministry. Më parë mediat në Iran njoftonin për një dështim të mundshëm të bisedimeve. Edhe nga qarqet nga Shtëpia e Bardhë thuhet, se qeveria e SHBA-së i ka pranuar bisedimet, që nga Turqia u zhvendosën në Oman. Pak përpara druhej, se planet për bisedime mund të mbeteshin në vend numëro për shkak të ndryshimit të formatit dhe përmbajtjes.

SHBA-ja insiston që Irani t'i jepë fund pasurimit të uraniumit

Nga Irani thuhet, se synohet një tjetër takim nga ai që ka propozuar Turqia. Në bisedime duhet të trajtohet vetëm çështja e programit bërthamor iranian. Gjithashtu në bisedime duhet të marrin pjesë vetëm Irani dhe SHBA-ja.Zyrtari që dha këto informacion nuk dëshiron të identifikohet. Ministri i Jashtëm i SHBA-së Marco Rubio deklaroi më parë, se përfaqësuesit e SHBA-së po punojnë, që takimi të zhvillohet këtë javë. SHBA-ja kërkon nga Irani në radhë të parë që t'i japë fundit procesit të pasurimit të uraniumit dhe të kufizojë programin e raketave. Irani e hedh poshtë këtë si një ndërhyrje në sovranitetin e tij, por njëkohësisht sinjalizon, gatishmërinë të paktën për bisedimet lidhur me mormarrëveshjet për programin bërthamor.

Sërish kërcënime nga Trump

Pak para bisedimeve të planiifkuara ndërmjet SHBA-së dhe Iranit, presidenti i SHBA-së Donald Trump, iu adresua me fjalë paralajmëruese udhëheqësit më të lartë të vendit. I pyetur nga NBC Neës, nëse Ajatollah Ali Khamenei duhet të jetë i shqetësuar aktualisht, Trump u përgjigj: "Unë do të thoja, se ai duhet të jetë shumë i shqetësuar." Një arsye konkrete për këtë Trump nuk e përmendi direkt. Por ai iu referua bisedimeve që vendi i tij do të zhvillojë me Iranin. Ai tha, e ka dëgjuar, që Irani po përpiqet ta rindërtojë programin bërthamor, tha Trump duke iu përgjigjur pyetjes pasuese. Për një rast të tillë presidenti i SHBA-së kërcënoi, se do "t'i bëjë gjëra të këqia" Iranit./ DW