web counter
LEXO PA REKLAMA!

SHKARKO APP

App Store
Google Play

Bisedimet për paqe/ Witkoff do të zhvillojë takim me Putin-in

21 Janar 2026, 12:47, Kosova & Bota CNA

Bisedimet për paqe/ Witkoff do të zhvillojë takim me Putin-in

I dërguari special i SHBA-së, Steve Witkoff, do të zhvillojë një takim me presidentin e Rusisë, Vladimir Putin, për një raund tjetër bisedimesh lidhur me përfundimin e luftës në Ukrainë.

Takimi do të mbahet të enjten, ndërsa Witkoff ka konfirmuar se diskutimet do të jenë lidhur me negociatat e paqes Ukrainë-Rusi. Ai planifikon të takohet edhe me palën ukrainase.

Witkoff u shpreh për "CNBC" se ka pasur shumë përparim në gjashtë deri në tetë javët e fundit dhe tha se shpreson që së shpejti do të njoftohet një lajm i mirë për çështjen.

Përpjekje të shumta për të bindur Rusinë dhe Ukrainën të bien dakord për një armëpushim kanë dështuar, por angazhimi dhe i Shteteve të Bashkuara të Amerikës, ka ndihmuar në sjelljen e të dyja palëve në tryezën e negociatave.

Pengesa të thella për një marrëveshje paqeje janë kërkesat e Rusisë që Ukraina të dorëzonte rajonin e saj lindor të Donbasit dhe kërkesat e Ukrainës për garanci sigurie nga partnerët perëndimorë për të penguar Rusinë të pushtonte përsëri Ukrainën në të ardhmen. /CNA





Lajmet e fundit nga