web counter
LEXO PA REKLAMA!

SHKARKO APP

App Store
Google Play

E fundit!

x

Nga kriminelët më të kërkuar te tarifat/ Çfarë tha Trump gjatë fjalimit të tij të gjatë?

20 Janar 2026, 22:34, Kosova & Bota CNA

Nga kriminelët më të kërkuar te tarifat/ Çfarë

Presidenti i SHBA-së, Donald Trump, në një vjetorin e rikthimit të tij si president ka mbajtur një konferencë që zgjati një orë e 40 minuta në Shtëpinë e Bardhë.

Në deklaratën e tij të gjatë, Trump preku gjithçka, nga kriminelët më të kërkuar të Minesotës deri te "qindra miliarda" dollarë që ai thotë se SHBA-të kanë marrë nga tarifat.

Presidenti amerikan vuri në dyshim nëse NATO do të vinte në shpëtim të SHBA-së. "E di që ne do të vijmë në shpëtim (të NATO-s), por unë vë në dyshim nëse ata do të vijnë apo jo në shpëtimin tonë", tha ai.

Duke u ndalur te Groenlanda, Trump tha se mendon që "gjërat do të shkojnë shumë mirë" dhe se ka shumë takime të planifikuara për këtë çështje gjatë ditëve të ardhshme në Davos. Kur u pyet se sa larg do të shkonte për të përvetësuar territorin, ai u përgjigj "do ta zbuloni vetë".

Trump u pyet nëse kishte ndryshuar qëndrimin e tij për Ishujt Chagos pas postimit të tij në Truth Social, ku e quajti planin për t'ia kthyer ishujt Mauritiusit "një akt të një budallallëku të madh". Ai tha se Mbretëria e Bashkuar duhet t'i mbajë Ishujt Chagos, pasi është një "zonë mjaft e rëndësishme e globit".

Trump thotë se shkon mirë me Presidentin Macron të Francës dhe Kryeministrin e Mbretërisë së Bashkuar, Sir Keir Starmer, por shtoi se ata bëhen të ashpër kur ai nuk është pranë.

Kur u pyet nëse do të donte që Bordi i tij i Paqes i planifikuar të zëvendësonte Kombet e Bashkuara, Trump u përgjigj se "mund të ishte kështu". Ai tha se Kombet e Bashkuara "nuk janë të dobishme", duke shtuar se kanë potencial, por kurrë nuk mendoi të shkonte tek ata për të zgjidhur ndonjë luftë.

Trump tha gjithashtu se kishte "humbur shumë respekt për Norvegjinë" dhe se Oslo "kontrollon Çmimin Nobel për Paqen". Kujtojmë se një komitet i pavarur, jo qeveria e Norvegjisë, jep çmimin.

Trump u ndal gjithashtu dhe te luftërat dhe  tha se ka zgjidhur tetë luftëra, por nuk e bëri për Çmimin Nobel. Ai shtoi se po përpiqet të zgjidhë luftën e Rusisë në Ukrainë për momentin./CNA





Lajmet e fundit nga