web counter
LEXO PA REKLAMA!

SHKARKO APP

App Store
Google Play

Mes tensioneve SHBA-Europë/ Lavrov: Jemi të hapur të bashkëpunojmë me Amerikën për Ballkanin

20 Janar 2026, 14:44, Kosova & Bota CNA

Mes tensioneve SHBA-Europë/ Lavrov: Jemi të hapur të

Ministri i Jashtëm i Rusisë, Sergei Lavrov, në një konferencë për mediat është shprehur se Rusia është e hapur për bashkëpunim me të gjithë në Ballkan, përfshirë edhe Shtetet e Bashkuara të Amerikës.

"Ne dhe SHBA-ja kemi më shumë mundësi për të vendosur marrëdhënie në Ballkan, në lidhje me Bosnjën e Hercegovinën dhe vendet e tjera në rajon. Këto marrëdhënie ekzistojnë, ato nuk kanë sjellë deri më tani ndonjë rezultat pozitiv ose konkret, por ne jemi të hapur për këto marrëdhënie, dhe për aq sa shoh unë, SHBA-ja është gjithashtu e gatshme t'i zhvillojë ato", përfundoi Lavrov fjalët e tij në lidhje me gjeopolitikën.

Ndër të tjera në konferencë, ministri rus kujtoi deklaratën e ish-Përfaqësueses së Lartë të BE-së, Federica Mogherini, se nëse BE-ja është atje, domethënë në Ballkan, atëherë askush tjetër nuk ka punë aty.

Sipas ministrit të Jashtëm rus, lidhur me Groenlandën, Brukseli vazhdon të jetojë duke u udhëhequr nga e njëjta filozofi që paraqiti në prag të luftës në Ukrainë, kur deklaroi se populli ukrainas duhet të zgjedhë nëse do të qëndrojë me Rusinë apo me BE-në.

Deklarata e Lavrov vjen në një kohë përplasjesh mes Bashkimit Europian dhe SHBA-së, lidhur me çështjen e Groenlandës. Trump ka deklaruar vazhdimisht se do ta blejë ishullin pavarësisht asaj se çfarë do t'i duhet të bëjë.

Ai ka vendosur edhe 10% tarifa për disa nga vendet europiane dhe njoftoi se do të jenë në fuqi deri në arritjen e një marrëveshjeje për blerjen e Groenlandës. Nga ana tjetër liderët e këtyre vendeve janë shprehur se nuk do të lejojnë të shantazhohen, dhe se për çështjen e Groenlandës duhet të vendosin vetëm groenlandezët dhe danezët. /CNA





Lajmet e fundit nga