web counter
LEXO PA REKLAMA!

SHKARKO APP

App Store
Google Play

E fundit!

x

Biden dhe i dërguari i Vatikanit takohen për të diskutuar për luftën në Ukrainë

18 Korrik 2023, 11:50, Kosova & Bota CNA

Biden dhe i dërguari i Vatikanit takohen për të diskutuar

Presidenti amerikan, Joe Biden, do të takohet sot me të dërguarin e Papa Françeskut, Kardinali Matteo Zuppi në kuadër të nismave paqësore dhe humanitare të Selisë së Shenjtë për Ukrainën.

Sipas njoftimit nga Shtëpia e Bardhë dhe Vatikani në krye të agjendës së takimit të tyre është situata e fëmijëve ukrainas që u dërguan në Rusi.

Kardinali Matteo Zuppi do të qëndrojë në Uashington deri të mërkurën. Para kësaj, ai ishte në një mision në Moskë dhe më herët në Kiev, ku u takua edhe me presidentin ukrainas, Volodymyr Zelensky.

Papa Françesku ka pranuar kërkesën e Ukrainës për të ndërhyrë aty ku është e mundur për të kthyer fëmijët ukrainas të transportuar në Rusi pas pushtimit të Moskës, raporton "VOA". 

Ai ka thënë se shpreson se Selia e Shenjtë mund të lehtësojë bashkimet familjare, në të njëjtën mënyrë që Vatikani ndërhyri për të lehtësuar shkëmbimin e të burgosurve.

 

 





Lajmet e fundit nga