web counter
LEXO PA REKLAMA!

SHKARKO APP

App Store
Google Play

E fundit!

x

Barrikadat në veri të Kosovës/ Kurti: Nuk do të lejohen për shumë gjatë

19 Dhjetor 2022, 13:33, Kosova & Bota CNA

Barrikadat në veri të Kosovës/ Kurti: Nuk do të lejohen

Kryeministri i Kosovës, Albin Kurti, gjatë një deklarate të tij ka folur për tenisionet në veri të vendit dhe është shprehur se nuk do të tolerohen shumë gjatë barrikada të tilla.

Ai shtoi ndër të tjera se KFOR-i i ka kërkuar edhe pak kohë nga qeveria.

"KFOR-i ka kërkuar edhe pak kohë prej neve, pra ne jemi në, koordinim, komunikim të rregullt të vazhdueshëm intensiv me KFOR-i dhe padyshim nuk do të mund të tolerohen shumë gjatë barrikada të tilla, por mos harroni ajo çfarë po bëjnë strukturat ilegale të Serbisë të shndërruara në banda kriminale tash së fundmi është fillimi i fazës së fundit të tyre. Shteti kurrë nuk ka qenë më në binarë”, u shpreh Kurti.

Mediat kosovare raportojnë se Kurti ka folur edhe për kërkesën e Serbisë ndaj KFOR-it për mundësimin e vendosjes së një mijë trupave ushtarake në veri të Kosovës, duke thënë se kërkesa e tyre është joreale”.

Ata e kanë bërë një kërkesë KFOR-it me sa di, tash natyrisht ajo është një kërkesë joreale, e cila flet më shumë për ata sesa për vendin tonë, kurrë nuk ka pasur nevojë për ushtarë serbë në Republikën e Kosovës, kurrë nuk ka pasur nevojë për ushtarë serb në shekullin e 20-të e as 19-të, tash kërkesa e tyre më shumë tregon se ata kanë ngelur në shekullin nëntëmbëdhjetë dhe njëzet. Me këto kërkesa ata po na e tregojnë neve që e dimë mirë se kush janë, se kush janë edhe për ata që kanë pas dilema se ata kush janë. Natyrisht që NATO do të jetë kundër e po ashtu edhe ata e kuptojnë shumë mirë se nuk kanë ku të vijnë në Kosovë ata ushtarë të gjorë serbë, të cilët këta pretendojnë t’i sjellin në vendin tonë. Pra më shumë është shprehje e pafuqisë sesa fuqisë së tyre”, theksoi ndër të tjera ai./ CNA.al





Lajmet e fundit nga